EUSKAL LIBURUGINTZA 1995 - Jakin

EUSKAL LIBURUGINTZA 1995
JOAN MARI TORREALDAI
1995eko liburu-kopurua 968koa da iturri horren arabera, aur
reko urtean baino ehundik gora liburu gutxiago. Nire datu-basean,
ordea, aurreko urtean baino 200 liburu gehiago publikatu
da euskaraz 1995ean. ISBNko datuak eta nik bildu izan ditudanak
ez dute sekula izan ehuneko ehun kointzidentziarik,
baina ezta ere horrenbesteko alderik. Horra konstatazioa.
Pertzepzioaren arazora itzul gaitezen. Lehen ere behin baino
gehiagotan mintzatu izan naiz pertzepzioa eta errealitatea
ez datozela beti bat liburu-kontuetan. Esplikazio-bila hasita,
hau da, jendartean dagoen sentsazio horri arrazoiren bat bilatzen
hasita, bat behintzat bururatzen zait. Gertatzen da argitaletxe
handiek (eta nahi bada enblematikoek) mantsotu egin
dutela ekoizpena, inkluso jaitsi. Baina ez da horregatik gelditu
hazkundea. Ez dute gauza bera egin ez edizio publikoak
eta ezta ere editore ertain eta txikiek.
EKINTZA EDITORIALA
A rgitaratzaile askoren emaitza da 1.305eko kopuru hori.
Ehundik gora edizio-agentek kaleratu ditu liburuak. Asko da,
izugarri da. Bakoitzari gutxi dagokio. Urtean hamar liburu argitara
ematera iristen ez den asko eta asko dago. Badago, gero,
multzo polit bat urtean 20 liburu atereaz dabilena. Hauen
artean aurki genitzake literatur argitaratzaile ezagun batzuk,
baina bertan daude, baita ere, liburugintza berezituetan dabiltzanak.
Hogeitik berrogeita hamar bitarteko produkzioa lortzen dute
dozenerdi bat editorialek. Editorialgintza elebiduna da hemen
nagusi. Hauetako batzuk instituzionalak dira, hala nola, Eusko
Jaurlaritza, Eustat, Gipuzkoako Foru Aldundia. Eta beste
batzuetan, editorialetxe handiagoaren zati bat da euskarazkoa,
hala nola, Giltza-Edebé, Desclée de Bro u w e r, Zubia-Santillana,
Gero-Mensajero.
H i r u rogeita hamarretik gorako argitalpena dutenak lau bakarrik
dira: Ttarttalo haur-liburugintzan eta oro k o r rean (batez ere ,
noski, irakaskuntza eta literaturan), Erein, Ibaizabal eta Elkar.
78