Prolil endopeptidasa eta piroglutamil peptidasa I ... - Euskara

Helburua
Entzima honek oso banaketa zabala du eta prolina aminoazidoa duten beste peptido
batzuk, TRH-az gain, andera ditzake (Welches eta lank., 1993; Walter eta lank., 1971;
Lew eta lank., 1994; Kato eta lank., 1990). Hau dela eta, peptidoen katabolismoan eta
prozesamenduan (Wilk, 1983) parte hartzen duela proposatu da. Nagusiki entzima
zitosoliko moduan deskribatu den arren (Dresdner eta lank., 1982) mintzari lotutako
zatikian ere topatu izan da (O’Leary eta O’Connor, 1995; O’Leary eta lank., 1996).
Entzima honi buruz egin diren ikerlan gehienetan entzimaren deskripzioa egin da
funtziorik aztertu gabe, hau dela eta, ikerlan honetan entzimak garapenean edo
zahartzapenean duen eginkizuna zehazki aztertu nahi da.
N-muturreko aminoazidoa piroglutamikoa duten peptidoak, degradatzen duten
bi peptidasa aurkitu dira: piroglutamil peptidasa II-a, mintzari loturiko eta TRHarekiko
espezifitate altua duena (O'Connor eta O'Cuinn, 1985; Wilk eta Wilk, 1989 a,
b) eta piroglutamil peptidasa I-a, N-muturrean piroglutamikoa duten peptido gehienak
hidroliza dezakeena (Browne y O'Cuinn, 1983). Prolil endopeptidasarekin gertatzen
zen bezala, autore gehienek, piroglutamil peptidasa I-a entzima solugarri moduan
deskribatzen dute, dena den, duela gutxi, entzima hau mintzari loturiko zatikian
aurkitu da (Alba eta lank., 1995). Piroglutamil peptidasa II-aren eginkizuna anderatze
sinaptikoan ondo ezagutzen den arren (O'Cuinn eta lank., 1990) piroglutamil peptidasa
I-aren funtzio fisiologikoa ez da oraindik ezagutzen, eta arrazoi honengatik erabaki
genuen entzima honen ikasketa egitea.
Peptidasen inhibitzaileek ugalketa eta bideragarritasun zelularrean eraginik
izan dezaketela aurkitu izan da (Takahashi eta lank., 1985; 1989; Constam eta lank.,
1995; Safavi eta Hersh, 1995), gainera, aktibitate peptidasikoetan adinarekin aldaketak
aurkezten zuten ikasketak ere badaude (de Gandarias eta lank., 1989c; de Gandarias
eta lank., 1989e; de Gandarias eta lank., 1992a; de Gandarias eta lank., 1992b; de
Gandarias eta lank., 1994a; de Gandarias eta lank., 1994b). Honela bada, aurkikuntza
hauek guztiak, peptidasek garapenean eta zahartzapenean zerikusia dutela adierazten
digute. Ikerlan gehienak, aktibitate peptidasiko ez espezifikoetan burutu ziren,
neuropeptidoekiko espezifikoak ziren aktibitate anderatzaileak kontutan hartu gabe (de
Gandarias eta lank., 1989b; de Gandarias eta lank., 1989c; de Gandarias eta lank.,
1989e; de Gandarias eta lank., 1992b).
72
Helburua