Prolil endopeptidasa eta piroglutamil peptidasa I ... - Euskara

Prolil endopeptidasa
22
3.3. PROLIL ENDOPEPTIDASA ETA PEPTIDO
AKTIBOAK
Prolil endopeptidasak prolina duten peptidoak, azil-Yaa-Pro-Xaa modukoak,
aminoazidoaren karboxilo muturretik anderatzen ditu. Entzimak ezin du proteina
luzeagoak hidrolizatu, eta deskribatu da 3000 Da baino gehiagoko peptidoak ezin
dituela anderatu. Prolil endopeptidasak, peptidoek amino bukaeran N-amina askea
dutenean, ez ditu anderatzen Bi prolinen arteko lotura peptidikoaren hidrolisia ere,
ezin du aurrera eraman (Cunningham eta O'Connor, 1997) eta bakarrik trans
konformazioan dauden prolinak ezagutzen ditu (Lin eta Brandts, 1983). Zenbaitetan,
prolinaren ordez, alanina duten substratuak ere hidroliza ditzake, baina aktibitatearen
galera handia du. Prolil endopeptidasak, besteak beste, hurrengo peptidoetan eragiten
du: TRH, GnRH, angiotensina I, bradikinina, β-endorfina, neurotensina, oxitozina, P
substantzia eta basopresina (Walter eta lank., 1971; Koida eta Walter, 1976; Tate,
1981; Emson eta lank., 1982; Greene eta lank., 1982; Camargo eta lank., 1984;
Moriyama eta lank., 1988; Mendez eta lank., 1990; Stanziola eta lank., 1999). Prolil
endopeptidasak, hauetako zenbait peptidoen aktibitatea, erregulatzen du; bestetan,
peptido aktiboak eratzen ditu bere aitzindarietatik.
Adibidez, Angiotensina I (Asp-Arg-Val-Tyr-Ile-His-Pro-Phe-His-Leu) eta
Angiotensina II (Asp-Arg-Val-Tyr-Ile-His-Pro-Phe)-aren prolinen karboxilo
muturrean eragiten du, biologikoki aktiboa den Angiotensina (1-7), emateko(Welches
eta lank., 1991). P substantzia (Arg-Pro-Lys-Pro-Glu-Glu-Phe-Phe-Gly-Leu-Met-
NH2)-ren bigarren prolinaren karboxilo muturra hidrolizatzen du. Sortzen den
heptapeptidoa (Lys-Pro-Glu-Glu-Phe-Phe-Gly-Leu-Met-NH2) P substantzia bera
baino biologikoki aktiboagoa da Guinea txerriaren ileoaren uzkurduran (Yajima eta
Kitagawa, 1973; Yanaihara eta lank., 1977).
Sarrera