Gizarte eta nazio errepresentazioa telebista-albistegietan - Euskara

artean. Baina, aldi berean, eta feminismoak aldarrikatzen duenez, egungo
boterearen oinarrian dago asimetria hori. Ez litzateke beraz botere desorekaren
ondorioa baizik eta kausalitaterik nagusienetakoa. Feminismoak
erreibindikatzen duena ez da asimetria horren orekatzea baizik eta gaur
egungo botere egituraketaren iraulketa.
2.2.6.2.-Komunikabideak eta generoen karakterizazioa
Ikerketa-lan honen marko teorikoa den sarrera orokorrean ikusi ahal izan
dugunez bi dira, soziologiaren barruan komunikabideen eginbehar eta eraginari
buruz ezagutu izan diren korronteak. Batzuen iritziz, komunikabideek errealitate
sozialaren transmisore huts, pasibo eta objektiboak dira, eta ispiluaren lana
egiten dute, gertatzen dena isladatu alegia. Kontrako aburua dutenentzat aldiz,
hedabideak portaera sozialen konfiguratzaileak dira; errealitatea kontsideratua
izango dena eraikitzen duten subjekto definitzaileak.
Orokorrean, bigarren hauekin asotasun puntu gehiago ditugunez,
komunikabideek generoen karakterizazioa soziala definitzerakoan, balio zehatz
eta ezagun batzuk plazaratzen dituztela uste dugu. Gallagher-ek (1988)
azpimarratzen duenez:
"Además, por mucho que aspiren a ser neutrales y 'objetivos' (...)
los medios de comunicación sirven, por lo general (por acción u
omisión), para 'reflejar', proteger y presentar los intereses de las
personas con mayor poder económico y político de la sociedad. Como
en nuestras sociedades el sexo es un factor determinante fundamental
para la definición del poder político y económico, los medios de
comunicación, evidentemente, reflejan y presentan una estructura de
poder en la que las mujeres desempeñan un papel secundario. Esta
estructura se reproduce, como es lógico, en las propias organizaciones
de los medios de comunicación, en lo que suponen un paso más del
complicado proceso por el que los medios inscriben y legitiman
determinadas visiones de la realidad, en lugar de otras" (GALLAGHER,
1988: 4).
Bashim (1984) ere iritzi berekoa da. Bere esanetan, komunikabideek
errealitatea isladatzen dutela esatea egi erdia besterik ez da. Errealitatearekin
bi hurbilketa klase dituzte komunikabideek: batetik, dagoena erakusten dute
eta, bestetik, errealitate sozialean eragina dute. Bashim-en ustez, erakutsiko
dutena, eta nola erakutsiko duten, osatzerakoan selektiboak diren ezkero,
beraien errealitate propioa agertu, interpretatu eta sortzen dute. Modu
honetara, gizonezkoen ikuspegia manten arazten dute, kasu guztietan
emakumezkoen gainetik eta errealitatean, bigarren honek duen errola
distortsionatu egiten dute.
Franquet (1983) 1 eta Fagoaga eta Secanella-k (1984) ere modu berean
ikusten dute komunikabideen zeregina/eragina, alegia, egungo ideologia eta
balio patriarkalak birsortzen. Azken hauen ustez, errealitatearen irudi
distortsionatua eskeintzen dute komunikabideek. Egungo agintesistemarentzako
kaltegarria izan daitezkeen irudiak ezabatu egiten dira eta
nagusia den ideologia maskulinoaren arau eta balioak zabaltzen dira.
1 Komunikabideetan emakumezkoei eskeintzen zaien tratamenduaz gain, mediazio
profesionala eta lan-errutinak aztertu zituen Rosa Franquet-ek faktore horiek irrati-
telebistak pantailaratzen dituen produktu informatiboetan eragina eduki dezakeelakoan.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 75