Gizarte eta nazio errepresentazioa telebista-albistegietan - Euskara

Dahrendorf eta Marxentzako, gizartearen historizitatean lehen mailako
faktore estrukturala da gatazka. Hau horrela ulerturik, lehenak bi mailatan
aztertzen du gatazka soziala: intentsitatea eta biolentziaren arabera.
"La intensidad de un conflicto hace referencia a la suma de
energía desplegada en el conflicto, a las pasiones y emociones que
suscita, a la importancia prestada a la victoria o a la derrota. La
violencia de un conflicto se refiere más bien a los medios empleados, a
las 'armas' utilizadas para evidenciar la hostilidad y combatir a las
fuerzas opuestas." (Ibidem: 502)
Dahrendorf, eta Rocher berak, diotenez, aldaketa sozialaren inguran
eman daitezkeen jarrera teoriko desberdinak, gatazka eta integrazioarena,
elkar osagarriak dira. Gizartea da, aldi berean, sistema bateratzailea eta
gatazkatsua.
Gatazkari dagokionez, Rocherrek dioen bezala, aldaketa soziala azaltzen
duen faktore bakarra ez da konfliktua. Halere, egoera eta arazo berriei aurre
egin eta garatzeko gizarteak dituen tresnen artean dago gatazka.
2.2.5.3.-Biolentzia
Ez ditugu, inondik inora, sarrera gisa idatzitako lerro hauetan, biolentziak
gizartean dituen forma, aurpegi eta ondorio guztiak aztertuko, ezta gutxiago
ere, konnotazio politikoak dituenekoari buruz arituko gara soil-soilik eta ikuspegi
orokor batez gainera. Guk emango ez diogun sakontasunean landu gura izan
ezkero biolentzia politikoaren gaia, ikus, besteak beste, honako autoreen lanak
Wieviorka (1991), Wolfang eta Ferracuti (1967), Gurr (1971), Heiberg (1988),
Linz (1987), Sorel (1976) eta Crenshaw (1983). Bestalde, euskal nazionalismoa
eta biolentziaren (Estatu zein berorren kontra antolatu izan diren erakundeena)
arteko "amankomuneko terrenoan" sakondu gura duenak, Letamendia-ren
(1992 1 ) idatzietan badu asetzeko beste informazio.
Weber-ek zioenari jarraiki, Estatuaren definizioa aipatzerakoan esan
dugunez, "indarkeria legalaren monopolioa" duen aparatu politikoa da zeina
lurralde baten kokatuta, lege batez baliatzen den. Baina, jakina denez, estatuaz
gain, badira bestelako erakunde eta talde, indarra erabiltzen dutenak beraien
ikuspegi politikoak ezartzeko.
Biolentzia, orain arte landu ditugun kontsentsu eta gatazka sozialaren
parametroetan kokatu beharra dugu. Lehen, Shils-en hitzetan ikusia bezala,
1 Nazionalismoa eta beste ideologia garaikidea titulua daraman liburuan,
LETAMENDIA, F.-k, biolentziari buruzko teorizazio nagusienak azaltzen ditu, besteak
beste Hacker, Bertini, Spagnoli, Targ, Wilkinson, Horkheimer, Habermas, Lefebvre,
Levinson eta Adorno, Reich, Fanon, eta Foucault-en pentsamenduari egiten dio
errepasua. Donostia. Gaiak. 1992.
"Ortzi"ren ikerketa-lan oparoak, neurri handi batetan ETA zein euskal ezkerreko
nazionalismoan oinarritu da, ikus: LETAMENDIA, F. El nacionalismo radical vasco
(1950-Octubre de 1982): organizaciones armadas y formaciones políticas. Doktoregotesia.
Paris VIII Unibertsitatea. 1991.
Doktorego tesi horretan oinarrituta: Historia del nacionalismo vasco y de ETA (4
tomo).Donostia. R&B. 1994.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 66