Gizarte eta nazio errepresentazioa telebista-albistegietan - Euskara

demokratikoen legitimazioa berezkoa duen Ongizatearen Estatuak bere alderdi
sozialean ondorio hauek dakartza (modu eskematikoan azalduta):
-Sozio-Politikoki, eskubide sozioekonomikoak biztanle guztiontzako
ziurtatzea; aukera berdinen aldeko jarrera, eta kasuan kasuko diskriminazio
sozioekonomiko positiboa bultzatzea. Zerbitzu publikoak talde honetan ulertu
behar ditugu: osasuna, hezkuntza, seguritate soziala, etxebizitzak...
-Ekonomikoki, merkatua gehi partehartze publikoa onartu eta sendotzea;
sektore publikoaren zeregina garbiki uztea; bizibaldintza oinarrizkoenak
guztiontzako bermatzea eta bizi-kalitate minimoa eskeintzea (erredukzio
fiskalak, langabetuentzako laguntzak, jubilazioa...).
Elementu guzti hauen bidez, estatua (botere politiko eta ekonomikoak
bereiziki) sendoago eta legitimatuago ageri da eta, aldi berean, sare sozialean
integratuago.
Botere politiko-administratiboa eta hiritarron interesak parekatzea eta
bateratzeak, sistema politikoaren legitimazioa ere badu emaitza gisa. "Sintonia"
horren adierazgarri bezala hartzen dira hauteskundeetan botua emanez
partehartzea, errenta eta kontsumoarekin loturiko zergak ordaintzea, eta oro
har, instituzio politiko-administratiboaren ordenamenduarekin bat etortzea.
Aipatu bezala, "ordenu sozialarekin sintonian" egote horrek, kontrol
sozialean du bere tresnarik indartsuena. Izan ere, kontrol sozial horren bidez,
bakoitzarengandik espero dena betetzera eramango duen indarra baita.
"¿Cómo se mantiene esa red de derechos y obligaciones
recíprocos? Los sociólogos utilizan el término control social para
describir todos los medios y procesos por los que un grupo o una
sociedad asegura la conformidad de sus miembros a sus expectativas"
(HORTON eta HUNT, 1978: 96)
Sozializazio prozedura desberdinak (familia, heziketa, komunikabideak...)
zein, hala behar izan ezkero, indarraren erabilera, kontrol sozialaren aurpegi
anitzak dira.
2.2.4.3.-Mugimendu sozialak
Orain arte, gizarteaz, bere osotasunean, hitzegiten jardun dugun bezala,
pena merezi du, labur bada ere, bere baitan dauden mugimendu sozialak
aipatzea.
Gaur arte heldu den demokrazia ordezkatzailearen oinarrietan dago
alderdi politikoak iritzi publikoaren kanalizatzaile-egituratzaile gisa ulertzea eta
partehartze soziala modu horretan bideratzea (demokrazia elektoralista).
"Los partidos pasarán a ser ahora el símbolo y la garantía del
funcionamiento práctico de estos sistemas, no sólo como actores que
expresan y conforman el pluralismo de la sociedad, sino también como
elementos ineludibles de los mismos principios organizativos del
sistema político." (REQUEJO, 1990: 165)
Baina, demokrazia liberalaren errepresentatibitatea baino, demokrazia
partehartzailearen eredurako joera erakutsiz, gizartearen maila desberdinetan,
besteak beste, ekologia, feminismoa, pakezaletasuna eta abarren inguruan
mugimendu sozialak agertu dira.
Mugimendu sozial berrietan, aurki daitezkeen helburuen artean badaude,
Requejok (1990) bere liburuan zehaztu duenez,
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 60