Gizarte eta nazio errepresentazioa telebista-albistegietan - Euskara

de pertanyença i el reforçament de les seves arrels." (PARES I
MAICAS, 1991: 15)
Identitate kulturalaren elementu osagarriak ez dira nazio guztietan
berberak izango, baina, Parés i Maicas-ek (1991) idatzitakoaren ildotik jarraiki,
badira berezitasun nagusi kontsideratuak izan daitezkeenak:
-Kokapen geografikoa, lurraldetasunaren kontzepturarekin erlazionatua.
-Identitate kulturalak ezagutu duen bilakaera historikoa kontuan hartu
beharra dugu; izan ere, gizarteak denboran zehar jorratu duen bidea ezagutzea
bere izakera definitzeko elementu bazter ezina zaigulako.
-Gizarte baten egituraketa sozialak berebiziko eragina du identitate
kulturalaren osaketan, hau da: klase sozialak, adin-taldeak, talde marjinalak...
-Dimentsio ekonomikoa: garapen industrial maila, kontsumo-gizarteak
ezagutu duen zabalpena, teknologia berriek (komunikazioarekin
erlazionaturikoak bereiziki) lorturiko inplantazioa.
-Hizkuntza: identitate kulturalaren elementu oinarrizkoena kontsideratua
dena.
-Identitate kultural bat, nola ez, kultur oinarri espezifiko batzuez
harremanetan dago
-Elite kulturalen garapena
-Identitate kultural desberdinek, Parés i Maicas-en esanetan, berezkoa
dute ideologia propioaren eragina, normalean nazionalismoa izaten da
identitate kulturalaren atzetik ageri izaten den ideologia.
-Erlijioa
-Hezkuntza sistima, sozializazio prozeduraren barruan, gazteengan
identitate kulturalaren balioak transmititzeko modu bezala.
-Azkenik, identitate kulturalak dituen elementu bereizgarrien artean
kokatu beharko ditugu berorren dimentsio politiko, legal eta psikosoziologikoak.
Aipatu ditugun identitate kulturalaren ezaugarrien artean, hizkuntzarenaz
arituko gara ondoren, izan ere, euskal identitate kulturalaren osaketan
berebiziko garrantzia eman izan zaio-eta. Gainera, Bright-ek dioen bezala,
"El lenguaje no es meramente uno de los varios aspectos de la
cultura; es, por lo menos, primus inter pares, en cuanto que hace
posible el desarrollo, la elaboración, la transmisión y particularmente en
su forma escrita la acumulación de la cultura como totalidad" (BRIGHT,
1975: 554)
Hizkuntza identitate definigarri modura, kultura akumulatzaile gisa eta,
aldi berean, elementu dinamiko eta eragile bezala ulertua izan da.
"Es manifiesto que los pueblos y naciones que poseen su propio
código lingüístico disponen de un instrumento poderosísimo en torno al
cual constituir su identidad y su razón de ser cultural con proyección de
futuro" (COMAS eta PUJADAS, 1985: 54)
2.2.3.2.-Hizkuntza eta identitate kulturala
Edozein komunitatek dituen amankomuneko elementu oinarrizkoen
artean hizkuntzarena da bat, eta ez bakarrik portaera humanoaren elementu
bereizgarria kontsideratu izan ohi delako baizik eta hizkuntza, talde sozialen
esperientziak kodetzeko forma bat delako. Talde guztietan komunikazio
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 45