Gizarte eta nazio errepresentazioa telebista-albistegietan - Euskara

artean hirutik bat (%30,1), Erakunde politikoetakoa da. Alderdi politikoei
dagokien portzentaia 27,5koa izanik, hauen artean nabarristak (UPN) dira
nagusi %10az, gero datoz atxikimendu estatalista dutenak (PP, CDS eta PSN)
%8,6az eta abertzaleak direnak (EE, HB eta PNV) %6,2az, bestelako formazio
politikoek % 2,7a eskuratzen dute.
Sindikatu desberdinen agerpena Subjektua modura, %2,7an zifratu
daiteke.
Destinatario modura Erakunde politikoek eskuratzen dute pisu espezifikoa
ez da txantxetakoa IUen %28,6an eurak agertzen baitira. Kopurutzar hau
ulertzeko, lagungarria da gogoratzea Erakunde politikoetako Subjektu eta
Destinatarioen arteko erlazioak, neurri handi baten, itxiak eta endogamikoak
izaten direla.
Erakunde politikoena den Subjektuen pertsonalizazioan Talde Formalaren
nagusitasuna nabaria bada ere (%62,2), pertsonalizazio indibidualaren
errekurtsoa ez da baztertu egiten. Subjektu gisa ageri denean Erakunde
politikoren bat, gizabanakoaren pertsonalizazioa ezagutuko duten kasua %31ra
heltzen da.
TVENAn, Erakunde politikoei egokitzen zaizkien Ekintzen artean, Egiteak
(%45,3) baino gehixeagotan izaten dira Esateak (%54,7). Gure ikerketaren
emaitzak azaltzerakoan alderdi politiko eta sindikatuak batera landu ditugulako,
bestela ikusiko genuke Ekintzei dagokionez zein desberdin aritzen diren batzuk
eta besteak. Alderdi politikoei Balorazioak egitea leporatzen zaie sindikatuei
baino sarriago. Azken hauek Egite kanpo-aldakorrean dute zereginik oparoena.
Ekintzei dagokionez, alderdi politiko eta sindikatuen arteko
desberdinasunak nabarmenak direnez, hauen kalifikazio kontsentsual ala
konfliktiboan ere ez dira ados jartzen. Alderdi politikoen kasuan,
kontsentsualitatea %46,8ra heltzen den bitartean, ikutu negatiboa dutenak
%30aren inguruan dabiltza.
Baina, esana bezala, sindikatuen Ekintzek guztiz desberdina dute
kalifikazioa: nagusi dira Ekintza konfliktiboak (%52), alde handia atereaz
positiboki (%20) kontsideratu daitezkeenei.
Baina, esana bezala guk hemen Erakunde politikoak aztertzerakoan
batera ikertu ditugu alderdi politiko eta sindikatuak. Beraz, Ekintzen
kalifikazioan, bataz beste, maila berdinera heltzen dira kontsentsualak eta
konfliktiboak direnak: %37,9 eta 37,4.
Erakunde politikoen agerpen informatiboa beti Gai berberen inguruan
egiten da: Politika (%77,5) eta, maila apalagoan, Gizartea (%10,1) eta
Ekonomia (%9,3).
Gai hauek, orokorrean (%42,7) kontsentsualitatea dute kalifikazio gisa,
baina konfliktibitatearen ikutua ere ez da ahazteko modukoa: %21,1.
Zalantzarik gabe gainera, negatibotasuna gehiagotan gauzatzen da sindikatuek
buruturiko Ekintza kanpo-aldakorren artean, alderdi politikoen Esate
baloratzatzaileen artean baino.
Alderdi politiko eta sindikatuak hitzezko informazioaren Subjektu gisa
agertzen diren kasuetan, IUaren Destinatario paperean, alegia esaten denaren
jasole edota hartzaile gisakoan, %69,7an Erakunde politikoa dago. Harreman
endogamiko honetatik aparte, %18,4an Gizartea izaten da Subjektu horren
Destinatarioa.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 538