Gizarte eta nazio errepresentazioa telebista-albistegietan - Euskara

espainiarra", "Estatua" eta "Euskal Herria" bezalakoak, edo, horiek baino
"zeharrekoagoak" diren "gure herrialdea" gisakoak.
5.8.4.2.7.-Sistema-egituraren proiekzio informatiboa
Agintearen harmailetan aritzen diren tipologia sozio-politiko desberdinak
dira TVENAn leku gehien eskuratzen dutenak. Instituzio politikoadministratiboak,
alderdi politiko zein sindikatuak eta Gizabanako Espezialduen
presentziak ez du parekorik hitzezko informazioan.
Sistema-egituraren barruan kokatu ditugun hiru tipologia horiek Subjektu
edo Destinatario gisa aritzen direnean burutzen dituzten Ekintzak, jorratzen
dituzten esparru tematikoak eta bestelako elementuak landuko ditugu azpiatal
honetan. Izan ere, Sistema-egituraren aurkezpen informatibotzarraren bidez
ulertu daiteke nolakoa duen Telenavarrak egituraketa sozio-politikoaren
pertzepzio informatiboa.
TVENAn, Sistema-egiturari leporatzen zaion zeregin soziala, bere
osotasunean aztertuta gero, bere baitan dauden hiru tipologia sozio-politikoen
azterketa berezitua egingo dugu.
a) Sistema-egituraren agerpen azpimarratua
Kategoria sozio-politiko honek Telenavarran aurkitzen duen nagusitasuna
handia da. Hitzezko informazioaan ageri diren Subjektuetatik %84,3a eta
Destinatariotatik %71,7a Instituzio politiko-administratibo, Erakunde politiko
zein Gizabanako Espezialduetakoak dira.
Tipologia sozio-politiko multzotzar honek elementu bateretzaile asko ditu,
horregaitik landu dugu bat balitz bezala. Baina, zalantzarik gabe alderdi politiko,
kirolari ala legebiltzarkide batek, bakoitzak bere aldetik, dituzten berezitasunak
ere asko dira. Horregatik, ondoko azpiataletan hiru tipologia hauen elementu
bereizgarrietan sakonduko dugunez, oraingo honetan amankomunean dituzten
osagarrietan zentratuko gara.
Sistema-egituran kokatzen diren tipologia sozio-politikoak duten elementu
homogeneizatzailearena agintean edota bere inguruan ibiltzearena da.
Lanbidez, bizi-moduz, posizio sozi-ekonomikoz edo politikoz botere-egituran
egotea da hauen nortasun definigarria.
Sistema-egituran pilatu ditugun Subjektuen hiru tipologietatik mardulena
Gizabanako Espezialduena (%32,8) da, ondotik datoz Erakunde politikoak
(%30,1) eta Instituzio politiko-adminsitratiboak (%21,4). Guztira,
informatiboetan zerbait Eginez ala Esanez ageri diren Subjektuetatik %84,3a
Sistema-egiturakideak dira.
Destinatarioen artean ere, handia da Sistema-egituran presentzia:
%71,7a.
Subjektuaren kasura lotuz, Sistema-egiturak erabiltzen dituen
pertsonalizazio moetatan Talde Formala (%39,1), Gizabanakoa (%33) eta
Instituzioarena (%23,6) dira nagusi.
Sistema-egiturakideei ezagutzen zaizkien aktibitateak Egiteaz
erlazionaturik egoten dira hirutik bitan eta Esateaz baten. Beraz, duda barik,
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 534