Gizarte eta nazio errepresentazioa telebista-albistegietan - Euskara

geopolitikoen bidezkoak (%17,3/17), eta askozaz atzerago adberbioak erabiliz
eginikoak (%4,7/4,6).
Esplizitazio geo-komunitarioek duten balio koalitatiboa kontuan hartuta,
hauek dira TVENAko ahozko diskurtsoan gehien aipatzen direnak:
-"navarro/comunidad autónoma navarra" (%42,7/44,1)
-"comunidad" (%8,1/10)
-"comunidad foral navarra" (%4,6/4,1)
-"España" (%4,6/4,1)
-"nación/nacionalista" (%4,6/3,5)
-"vasco" (%2,9/2,9)
-"español" (%2,3/2,3)
-"Francia" (%2,3/0)
"Euskal Herria" ez da ia inoiz aipatua izaten (%0,6/0,6), eta behin ere ez
"Euskadi" edota "País Vasco" bezalakoak. Aipagarri da, Nafarrora
mugaturikoen portzentaia altua eta, "España", "español" eta halakoen
presentzia, koalitatiboki, garrantzitsua ("Estado español" ez da ia-ia inoiz
erabiltzen).
Azkenik, Telenavarran "nuestros" edo "aqui" bezalako aditzlagun
inplikatiboen presentzia %4,7/4,6koa da
Goiko zerrendatik deduzi daitekeenez, TVENAn ugaria da esplizitazio
geo-komunitarioen erabilera. Ahoz botatzen diren esamolde horien artean
askozaz ere maila koantitatibo altuagoa dute ikutu autonomista dutenak
("comunidad autónoma", "comunidad foral navarra"...) esplizitazio geografiko
hutsak (Navarra, España...) direnak baino.
Toki-esplizitazioak egiterakoan kazetariaren papera oso garrantzitsua da
(%86,1/85,6) bigarren mailan gelditzen direlarik printerraren bidez eginikoak
(%11,6/11,8) eta elkarrizketatuak luzaturikoak (%7,9/8,6). Beraz, geoesplizitazioak
egiteko agenterik oparoena medioa bera da, TVENAren kasuan
%97,7/97,4a berari dagokiolarik.
Esan dugun bezala, esplizitazio geopolitikoak egiterakoan handia da
tokizen eta erakunde eta instituzioak aipatzearen bidez eginikoak. Hala den
kasuetan, TVENAn, gaztelera hutsez (%88,8/86,6) zein gazteleraz eta
euskaraz (%9,4/9,7) izen bera duten kasuak gehituz, %98,2/96,3ra heltzen da.
Gainontzekoetan, euskaraz emaniko leku-izen (%1,5/2,8) edota elebidunen
portzentaiak (%0,3/0,9) marjinalak dira.
(167. grafikoa: TVENAren IUen Ekintzaren
esplizitazioa: hizkuntza)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 520