Gizarte eta nazio errepresentazioa telebista-albistegietan - Euskara

BESTEAK
EH-7
EH-4
EST. ESPAINIAR
NFK
EAE
0 10 20 30 40 50 60
5.8.4.2.4.-Hitzezko informazioaren Gaia
IUaren hitzezko informazioan, Gaiak, deskribatua izaten ari denari
buruzko zehaztasunak eskeintzen ditu. Bertan, IUaren edukina zertaz den
azaltzeaz gain, nola sortu eta nolako ondorioak izan dituen azaltzen digu.
Gainera, IUaren Gaian jorratu den temaren inguruko informazioa eskura
daiteke: ikutu politikoaren presentzia edota esparru tematikoa zein den.
Telenavarran lau IUetatik hirutan (%77,5) ikus eta azter daiteke Gaiaren
presentzia. Gainontzeko kasuetan, %22,5ean, ez da zertaz hitzegiten ari den
jakiten.
Gaiaren motibua azaltzen den kasuetan IUaren nondik norakoak eta
arrazoiak azaltzen dira. Elementu honen presentzia ez da TVENAn ere oso
altua: %12koa. Bestelako kasu guztietan, %86an, ez da hitzezko informazioan
testuinguru gisa balio dezaken motiburik eskeintzen.
Arrazoiturik ageri diren Gaien kopurua baxua bada ere, are eta makalagoa
da bere efektuen berri emango duten Gaiena: %5,5. Telenavarran, IUetan
aipatzen diren Gaien artetik %94,3an ez da zehazten deskribatzen ari denaren
ondorioak edota emaitzak zeintzuk diren.
Gaiak motibu eta efekturik gabe ageri dira gehienetan beraz. Aldi berean,
edukin kontsentsuala da nagusi: %48,2az. Konfliktibitatea adierazten dutenen
portzentaia baxua da: %17,1ekoa. Telenavarran konfliktibitatearen kopurua
ahula den bitartean, neutralitatea %34,7koa da.
TVENAn ageri diren Gai/Arazoen artean, hamarretik ia seik (%58,3), ez
dute Ikutu politikorik erakusten. Bestelako kasuetan, %41,7an, Gaia Ikutu
politikoaz bustirik soma daiteke. Beraz, eta edukin tematikoa lerro batzu
beherago aztertuko dugun bezala, Politika Gaia baino esparru zabalagoa
betetzen du Ikutu politikoak. Telenavarran ere, politika munduko pertsonaiek
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 518