Gizarte eta nazio errepresentazioa telebista-albistegietan - Euskara

Gertatzen direnetatik aukeratu eta emititua izateko orduan,
hartzailegoarekiko hurbiltasuna balio garrantzitsua da, baina honek, aldi
berean, feed back efektua ere badu. Esan gura duguna da, hurbiltasuna eraiki
egiten dela eta faktore a prioristiko bezala kontsideratu daitekeenez, ondorioa
ere badela: hartzaileak ezagutzen (entzunak) dituen lekuei buruzko
hurbiltasuna handiagoa du eta, horren ondorioz, toki horiei buruzko notiziek
errazagoa dute bidea telebistako informazio saioetan.
Azpiatal honen hasieran esan bezala, lurraldearen antolaketan
telebistaren alderdi teknikoak, beste komunikabideenak bezala, berebiziko
garrantzia du. Izan ere, estatu desberdinek, beraiena den lurraldearen
zedarriztatzean telebista kateen difusio esparrua baitago. Europa
amankomuneko lurralde gisa definitzeko orduan, bultzada eta erabilera
teknologiko indartsuak izan dira bertan. Lehenago aipaturiko lege eta direktibak
direla medio, baina baita ere "Euronews" bezalako satelitez emititzen duen Tb
kanale paneuropearraren bidez europartasuna bultzatu nahi da.
"Para la Comunidad Europea la comunicación por satélite
supone la aplicación económica, política, social y cultural de mayor
alcance en el terreno de la tecnología. Se está convirtiendo en el
elemento fundamental del espacio informativo-comunicativo
europeo. Y, desde luego, es ya un requisito previo en la búsqueda
de la identidad cultural y social de una Europa unida, así como uno
de los elementos de coherencia política del viejo continente..."
(SANCHEZ-BRAVO, 1993: 65)
Aipatzen ari garen "La Información en la Comunidad Europea" liburuan,
Sanchez-Bravok, behin eta berriro, defenditzen duen tesiaren arabera ez da
europar integrazio eta batasun politikorik ezagutuko harik eta politika
komunikatibo egoki bat martxan ezarri arte, zeinaren bidez iritzi publikoan balio
europearrak eraikiko diren.
1993.eko Urtarrilaren lehenean "Euronews" informazio-kanaleak
emtitzeari ekin zion egunean, bere helburuen artean hauek aipatuak izan ziren:
"Euronews pretende proporcionar a los europeos una
cobertura de la actualidad mundial y regional bajo el punto de vista
europeo..."(IPMARK, 402 zkia. 1993.eko Urtarrilaren 16-31, pp. 34)
Iritzi publikoa sortu, ikuspuntu europearraren parametroetatik informazioa
zabaldu, ikusentzulegoarengan koherentzia eta identitate europearra bultzatzea
dira kanale berriaren abiapuntuak. Behin eta berriro, norberarena kontsideratua
izan dadin espazioa (nazionala, estatala zein europearra) definitzerakoan
komunikabideek jokatzen duten paper garrantzitsua azpimarratzen da.
Lurraldetasunaren definizioa eta eraikuntza dago, esandakoaren ildotik,
komunikabidei erantsitako funtzioen artean.
Ezagutzaren soziologiaren jarraitzaileek azpimarratu dutenez, errealitate
soziala eraikitzeko bidean zeresan handia daukate komunikabideek. Lurraldea,
pertsona soil, talde, instituzio eta erakundeen arteko esparru sozial gisa
eraikitzearena, gizartean ematen diren bestelako produkzio prozeduren parte
bat da.
"...albistegiek eguneroko bizitzaren esparrua definitzen dute,
non gure eguneroko bizitza kokatzen den. Marko jeneriko horretan
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 32