Gizarte eta nazio errepresentazioa telebista-albistegietan - Euskara

5.8.4.2.3.-Hitzezko informazioaren Destinatarioa
Albistegietan luzatzen den hitzezko informazioaren barruan bi elementu
nagusienak aztertu ditugu: Subjektua eta Ekintza. Azpiataltxo honetan, Ekintza
horrek izango duen jasolea edota hartzailea nor den landuko dugu. Subjektuak
eginikoa norengan izango duen eragina da beraz, orain ikusiko duguna.
Ahoz kontatzen dena nori zuzentzen zaion aztertu aurretik aipatuko dugu,
Telenavarran, IUen %77,6an, ez dela zehazten nor den Destinatarioa.
Proportzio altu horretan beraz, ezkutuan mantentzen da IUaren mamia nori
bideratu edota norengan izango duen eragina. Subjektuen gain hitzegiterakoan
komentatu bezala (Subjektuetatik %%32,4an anonimizaturik daude), hemen
ere, altua da TVENAn itzalean mantentzen direnen portzentaia.
Agerian dauden Destinatarioen nortasunean sakonduko dugu ondoko
lerroetan: pertsonalizazio maila, izakera sozio-politikoa eta geopolitikoan.
Telenavarran, IUen %22,4ak bakarrik du Destinatarioa bistan. Ageriko
horien artean, eraketa sozial gehiegirik ez duten Gizabanako (%29,9) eta Talde
Informalen (%22,3) kopurua erditik gorakoa da: %52,2koa. Gainontzeko
pertsonalizazio mailetan kokatzen dira sozialki artikulaturik daude
Destinatarioak: Talde Formala (%33,5) eta Instituzioa (%10,3).
Ikusia bezala, Talde Formala (%33,5) eta pertsona soltea (%29,9) dira
Destinatarioen artean pertsonalizazio arruntenak. Gizabanako horien artean
emakumezkoek %17,7a errepresentatzen dute. Maila altuan mantentzen da ere
Talde Informala %22,3az. Instituzioaren presentzia %10,3koa da.
(163. grafikoa: TVENAren IUen Destinatarioaren pertsonalizazioa)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 515