Gizarte eta nazio errepresentazioa telebista-albistegietan - Euskara

TVENAn 976 Informazio Unitate (IU) zenbatu dira gero, beraien baitan,
dauden elementuak aztertu ahal izateko. Landu den lehen elementuak ahoz
informatzen denaren egilea zein den eta nolako berezitasunak dituen aztertu
du.
Hitzezko informazioaren unitateak, IUak, definitu ahal izateko beharrezkoa
izan dugu Subjektu eta Ekintza bana. Subjektuari dagokionez, TVENAn, altu
samarra da IUaren egilea nor den zehazten ez dutenen kopurua. Hiru IUetatik
bitan, Subjektuaren presentzia modu esplizitoz azaltzen da, gainerako
herenean ez da modu garbian esaten egilea nor den. Albistegietan azaltzen
diren hiru Ekintzetatik baten erantzunkizuna nori dagokion ezkutatu egiten da
beraz, anonimizatuta geratuz.
Pertsonalizazioaz bi dira egin daitezkeen multzo nagusienak: eraketa
sozial artikulatu gabekoena (Gizabanakoa eta Talde Informala) eta eraketa
sozial minimoa ezagutzen dutenak (Talde Formala eta Instituzioa)
Telenavarran altua da bigarren multzoa, alegia, Subjektu gisa agertzen direnak,
nagusiki, Talde Formal gehi Instituzioetakoak izaten direla.
IUen Subjektuetatik %28,7an Gizabanako solteak dira. Portzentualki beste
kanaletan baino baxuxeagoa bada ere kopuru hori, emakumezkoena
konparatiboki altuagoa da, bere urritasunean. Banaka ageri diren Subjektuen
artean %16,7a emakumezkoak dira.
Bestelako pertsonalizazio mailetan, Telenavarrak oso altua du Talde
Formal (%39,1) eta Instituzioen (%15,8) presentzia aktiboa, bien arteko
kopurua %54,9ra heltzen delarik. Aldiz, Talde Informalean sailkatu daitezkeen
Subjektuen portzentaia ez da %14,2tik gora jartzen.
Azkenik, eta lehen aipatu dugun Subjektu inplizitoen maila altuagoa
borobilduz, %2,2an dabil Entitate Naturalei leporaturiko autoretza duten IUak.
(158. grafikoa: TVENAren IUen Subjektuen
pertsonalizazio maila)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 510