Gizarte eta nazio errepresentazioa telebista-albistegietan - Euskara

Plano orokorra
%46
Plano ertaina
%9,2
Lehen planoa
%44,8
Telenavarrako SEGIetan, alegia informazio ikonikoaren unitate
minimoetan, errekurtso tekiniko-lagungarrien erabilera ez da oso oparoa.
Hamar Segmentu Ikonikoetatik lautan bakarrik ematen da horrelako errekurtso
elektronikoen erabilera. Telenavarran gutxi dira kortinillak eta chroma key-ak,
aurki daitekeen errekurtso tekniko bakarra printerra delarik.
5.8.3.3.-Aktanteen itxuraketa formala
Irudietan agertzen diren pertsonaiak, eta kontakizun ikonikoaren
antzesleak direnez gure Aktanteak, handia da beraien baliogarritasun
informatiboa. Aktanteen lehen hurbilketa honetan, aspektu formaletan fijatuko
gara, nortasun aldetik nolakoak diren eta zelako gauzak egiten dituzten gero
landuko dugularik.
TVENAn zenbatu ditugun IUK eta SEGI kopururako handia da Aktanteen
zenbakia: 609. Lehen ere ikusi dugun bezala, Segmentu Ikoniko bakoitzean
zenbat Aktante agertzen diren kalkulatu eta bitik gorako (2,3) Aktante kopurua
aurki daitekeela konprobatu dugu. Gainera, informazio ikonikoaren pertsonaia
nagusi hauekin inter-aktuatzen, erlazionatzen, ageri diren beste pertsonaiak ere
ikertuko ditugu. Ko-Aktanteak deitu ditugun hauen kopurua 338koa da
Telenavarran.
Aurreragoa ikusiko dugunez Aktante guztiak ez dira berdinak ez
nortasunez ezta ere ezagutuko duten tratamendu ikonikoan. TVENAn,
lokalizatu ditugun Aktanteen presentzia ez da, iraupenez, luzera berdinekoa
izaten. Aktante asko izan arren, media baino gorago dago 17 segundutik
gorako agerpena dutenak. Ondoko grafikan ikus daitezke Aktanteen
agerpenaldiak izaten duen iraupenaz eginiko irakurketa.
(154. grafikoa: TVENAren Aktanteen iraupena)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 499