Gizarte eta nazio errepresentazioa telebista-albistegietan - Euskara

Gizarte soilarekin erlazinatuta dauden Aktante horiek multzoan ageri dira
gehien (%40,8) nahiz eta banaka ere sarri agertu: gizonezkoa (%19,7) eta
emakumezkoa (%11,3).
Burutzen dituzten Ekintzen artean Egite-aldakorrak (%57,7) dira nagusi
Egonean (%32,4) agertzen direnen kopurua ere handia delarik.
Gizarteak, multzo sozio-poltiko modura hartuta, aurrera ateratzen dituen
Ekintzen artean kontsentsualitate maila altua da, zehatzagoa izanez, nortasun
sozio-politiko desberdinen artean altuena duena. Normaltasuna ageri da
Gizartea Aktante modura agertzen deneko Segmentu Ikonikoetan.
Gizartea Aktante nagusi modura duten SEGIetan, Ko-Aktante papera
Gizarteari berari dagokio nagusiki, halere Biztanle Espezialduen kopurua ere
altu samarra da.
Gizartearen agerpen formalean, Sistema-egituran daudenen kontrara,
enkuadrea aukeratzerakoan lehen planoa baino orokorra eta ertaina dira
nagusi.
e) Bisualizatzen diren gertaeren konnotazioak
Segmentu Ikonikoei buruz idazterakoan zehaztu dugun bezala, Telenorten
ez da konfliktibitate ikoniko askorik erakusten. Ikusten denaren arabera
neutraltasuna da nagusi, eta baita ere positibotasuna.
Antzerakoa da irudietan azaltzen diren Ekintzekin gertatzen, edozein
delarik egilea: Aktanteak burutzen dituen Ekintzetatik %80a neutralak dira, eta
konfliktiboak %2a. Gainontzeko ehuneko hemezortzia kontsentsualak
kontsidera daitezke.
Normaltasun ikonikoa Aktante gehienetara heltzen da modu beretsuan.
Ondoko taulan ikus daitekeenez, kontsentsualitatea altu duten tipologietan
neutralitatearen kalterako da. Konfliktibitatearen presentzia eta
kontsentsuarekin batera agertzen da sarri.
(149. taula: TVEBIren Akt sozio-pol x Ekintza konts/konf)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 489