Gizarte eta nazio errepresentazioa telebista-albistegietan - Euskara

"La verdadera función del telediario no es reproducirla realidad
o reflejar 'lo que pasa en el mundo', sino, muy al contrario, producir
un universo de valores y representaciones que opere como realidad
en el proceso receptivo" (GARCIA, MENOR eta PERALES, 1985: III)
Telebista, masa-komunikabide gisa finkatu zenetik, ingurune sozial,
politiko eta administratiboaren konfiguratzailea izan da. Bere bitartez,
antolaketa politiko-administratiboa marraztu eta gorpuztu egin da, gizartearen
baitako elementuak definitu eta beraien arteko erlazioak arautu,
komunitatearen nortasuna zein elementuetan oinarritzen den zehaztu, eta
abarrak eskeini dira. Zalantzarik gabe, herri, nazio zein estatu desberdinen
nortasun kolektibo eta instituzionala gorpuzkeran komunikabideek, eta hauen
artean telebistak, paper ikaragarri jokatu du.
"La televisión, como 'ambiente' moldea y vuelve a moldear el
carácter nacional y las pautas contemporáneas de sentimiento y
pensamiento" (MEYROWITZ, 1991)
Lurraldetasunaren definizioa (telebista seinalearen kobertura teknikotik
hasi eta erreferentzialtasun informatibora pasatuz), instituzio desberdinen
arteko hierarkia eta harremanak, gizabanako eta aginte-eraketaren arteko
erlazioak, eta ezer baino gehiago nortasun kolektiboaren definizioan,
telebistak berebiziko baliagarritasuna du. Horrela ulertu izan dute aginte
politiko, administratibo eta ekonomikoetan izan direnek eta jarrera beretsua
dute telebistaren eragina neurtu izan duten ikerlari askok. Guztien ustez,
errealitatea sozialki eraikitzen da eta eraiketa lan horretan telebistak partehartze
indartsua du, bere bitartez, bere mediazioz, inguruneari buruzko
ikuspegi bat jasotzeaz gain, gure izakera indibiduala zein kolektiboa gorpuzten
dira.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 25