Gizarte eta nazio errepresentazioa telebista-albistegietan - Euskara

Telenorten aurkitu ditugun Destinatarioen artean (elementu honen
presentzia ez da %25,8tik gorakoa), pertsonalizazioari dagokionez, eta
Subjekturarekin konparatuta desberdintasunak daude.
Esate baterako, gora egiten du Talde Informalen kopurua (%39) eta
mantendu-edo egiten da Talde Formalarena (%26,3) baina beherako bidea
ezagutzen dute Instituzio (%10,4) eta Gizabanako solteek (%24,3).
Datu horiek, tipologia sozio-politikoarenaz erlazionatuta, ikus daiteke
politikaren indarra handia dela, Destinatarioen artean, Subjektuenaz
konparatuta ahulagoa dela. Sozio-politikoki Destinatarioen artean Gizarte soilari
dedikaturikoen kopurua da, askogatik, multzorik pisutsuena (%38,2). Atzeragoa
datoz Instituzio politiko-administratiboak (%17,5) eta Erakunde politikoak
(%25,3). Zeresanik ez, Gizabanako Espezialduek ezagutzen duten
gainbeherakada.
Politikak indarra galtzen duela Destinatarioen artean garbi dago. Baina,
ezin da alboratu Botere erakundeek Destinatarioen %42,8a eskuratzen dutela,
eta hauei Gizabanako espezialduen kopurua gehituz % 52,1ean jartzen dela
portzentaia.
Amaitzeko, aipamen labur bat "Besteak" delako multzoari, zeren eta,
bertan kokatu dugun Talde armatuei buruzko Destinatarioen kopurua puztu
egiten da, %9,7a lortu arte.
5.7.4.2.7.-Lurraldearen definizio pribilegiatuak
Albistegietako Ekintzak non gertatu eta norainoko eragina duten, agertzen
diren Subjektu eta Destinatarioak nongoak diren eta, oro har, aipaturikoak
izendatzeko erabiltzen diren esplizitazio geografikoen bidez jakin daiteke zein
den haintzakotzat hartzen den territorioa. Telenorteri lau elementu horien
ikerketa-patroia aplikatuz, zirriborratzen den lur-eremua, joku-esparrua eta,
definizio lan horretan, zeintzuk aritzen diren jakingo dugu.
a) Kokapen geografikoa eta bere esplizitazioa
TVEBI, informatiboki, non kokatzen den, nongo berriak aukeratzen dituen
eta hauen eragin informatiboa norainokoa den jakin daiteke bere edukina
aztertuz. Kontuan eduki, Non/Noraino parametroen azterketan deskribatzen
diren kokalekuak eta hauek izendatzeko erabilitako esamoldeak, igorlearen
eskueran dagoela erabat. Ez hainbeste, Ekintzen eragina norainokoa izango
den. Lehen biak, Telenortek duen lurraldetasunaren kontzeptuaz daude loturik.
Bigarrena aldiz, notizia beraren edukinaz edota traszendentzia informatiboaz
gehiago.
Lehenago ere esan dugun bezala, Telenorten ez dira Estatu espainiar
zein nazioarteko berriak sartzen. Ez bada, hauek hemen sortu edota hemen
proiekzio informatibo zuzena dutela. Premisa horrenpean, Euskal Autonomi
Elkartea da notiziak aukeratzeko orduan markatzen duen lur-eremua. Hortik
aurrera, EAE, orohartuta (%28,2), eta lurralde autonomoaren hiriburuetan
(%21,8) gertaturikoak dira gehien aukeratzen direnak. Bigarren maila baten
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 446