Gizarte eta nazio errepresentazioa telebista-albistegietan - Euskara

Albistegietan kontatzen direnen sorlekua eta Ekintza horiek non duten
Eragina aztertuz jakin daiteke TVEBIn zein den eraikitzen den joku-esparrua,
zein den harreman sozial zein instituzionaletarako lur-eremua. Izan ere, IUetan
deskribatzen diren Ekintzen sorburu edo Eragin-lekuen bidez harremanetarako
lur-sail propioa zerradiztatzen baita.
TVEBIn deskribatzen diren Ekintzak %81,1ean Euskal Herriko esparruren
baten gertaturikoak izaten badira ere, Euskal Autonomi Elkartearen muga
politiko-administratiboa oso presente dago. IUetan kontatzen diren Ekintzetatik
%28,2a Euskal Autonomi Elkartean gertaturikoak dira eta %21,8an EAEko
hiriburuetan. Beraz, bi hauei herri, hiri zein eskualde mailakoak gehitu ezkero,
Ekintzen %65,7ko kopurura iristen gara. Beraz, Telenorten agertzen diren
Ekintzetatik hamarretik ia zazpi EAEren mugen barne gertatuak dira.
Hiru lurraldeetako lurralde autonomoaren mugarrietatik gora suertaturiko
Ekintzek ez dute, EH-4koaren kasuan, %18,6tik gorako presentziarik aurkitzen.
Hortik zabalagoak diren eremu geopolitikoetan lekututako Ekintzak ere ez dira
oso sarri notizigarriak kontsideratzen, Estatu espainiarra salbu, Ekintzen
%10az. Albistegietan sartzen diren Ekintzen sorlekuan oso gutxitan egoten da
Herri+hiri+eskualde (%5,3) edota Nafarroako Foru Komunitatea (%2,1), bere
osotasunean.
Beraz, EAE da, zalantzarik gabe Telenorten ahoz osatzen den Ekintzen
esparru nagusiena. Euskal Herri penintsularraren gorpuzketa informatiboa ez
da lar erabilia, eta portzentualki Estatu espainiarra bere osotasunean hartuta
baino ez askozaz gehiagotan.
(113. grafikoa: TVEBIren IUen Ekintza-tokiak)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 440