Gizarte eta nazio errepresentazioa telebista-albistegietan - Euskara

(%25). Aldiz, etorkizunari begira jarritako Ekintzek ez dituzte %15,4tik gora
portzentairik ezagutuko.
5.7.4.2.3.-Hitzezko informazioaren Destinatarioa
Informazio Unitateetan nagusi diren Subjektu eta Ekintzen elementu
proiektiboa kontsidera daiteke Destinatarioa. Informatzen denak norengan duen
eragina zehazten da osagarri honen bidez.
Telenorteren hitzezko informazioan, IUen %74,2an ez da ahoz zehazten
zein den Subjektuak Egin/Esaten duenaren eragina nork jasoko edo pairatuko
duen. Ezkutatu egiten da beraz informazioaren parte hori eta ia proportzio
berekoa da esplizitatzen den Subjektuen kopurua eta Destinatariorik ez
dutenen IUena. Handia da beraz isilpean mantentzen den Destinatarioaren
proportzioa, Egiten/Esaten denaren ondorioa anonimizatuz eta, zeharretik,
Subjektuaren papera azpimarratuz.
Destinatarioa erakusten duten IUen portzentaia %25,8koa da. Hauen
artean, diferentzia handiz, Talde Informala (%39) da nagusi. Atzerago datoz
Talde Formala (%26,3) eta pertsona soltea (%24,3). Azken hauen artean,
gizonezkoa da kasuen %99an. Destinatarioen artean %10,4an Instituzioa da.
Ikusia bezala, Destinatario gisa pisua irabazten duen pertsonalizazio maila
bakarra Talde Informala da, Esaten/Egiten denaren hartzailea sarriago bera
delarik. Erakunde politikoen presentzia ere, Ekintzaren Destinatario gisa,
aipagarria da. Kontrara Subjektu modura duten lehentasuna ez dute ezagutuko
Instituzio politiko-administratibo eta Gizabanako espezialduek.
(107. grafikoa: TVEBIren IUen Destinatarioaren
pertsonalizazio maila)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 433