Gizarte eta nazio errepresentazioa telebista-albistegietan - Euskara

hurbilean lerrotzen dituzte sustarrak. Etorkizunean burutuko diren Ekintzen
presentzia informatiboa %14,5ekoa da.
Beraz, ETBn ere, gertatu izan diren gertaeren informazioa luzatzea da
kontua, etorkizunean suertatuko direnak aipatzea baino.
5.6.4.2.3.-Hitzezko informazioaren Destinatarioa
Informazio Unitateen Destinatarioak erakusten digu Subjektuak burutu
duen Ekintzak norengan duen eragina, nor den bere jasotzailea edota norekin
erlazionatzen den. Destinatarioa izanik ere hitzezko informazioaren osagarria
ez da kasu guztietan agerian egoten. Teleberri albistegietan, IUen %71ean ez
da zehazten nor den Destinatarioa. Kopuruz, Destinatarioaren presentzia hain
baxua izateak hitzezko informazioaren despertsonalizazioa eta ondorioen
anonimizazioa dakar.
Subjektuen ikerketari dedikatu dizkiogun lerroetan esan dugun bezala,
baxua da IUen elementu hori ezkutatzen dutenen kopurua. Aldiz
Destinatarioarena oso baxua da, aipatu ditugun datuetan agerian dagoen
bezala.
Ekintza nori zuzendua den agerian duten Informazio Unitateetatik, alegia
IUen %29tik, Talde Formala da garrantzitsuen (%36,2), gero, kopuru beretsuaz,
Gizabanakoa (%29) eta Talde Informala (%27,6) daudelarik. Instituzioak
Destinatario gisa jokatzen duen papera oso ahula da: %7,2.
Datuen bidez ikus daitekeenez, sozialki eraturiko pertsonalizazio mailek
(Talde Formala eta Instituzioa) ez dute homogeneitate gehiegirik beraien
artean, eta batera %43,4ko kopurua eskuratzen dute. Bestelako pertsonalizazio
maila sinpleagoetan (Gizabanakoa eta Talde Informalena) %56,6koa da lortzen
den portzentaia.
Emakumezkoaren papera Subjektu modura baino Destinatario gisa
inportantzia gehiago badu ere, portzentualki %1,1koa da Destinatarioa
emakumezkoa dutenena.
(67. grafikoa: ETBren IUen Destinatarioaren
pertsonalizazio maila)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 364