Gizarte eta nazio errepresentazioa telebista-albistegietan - Euskara

Pertsonalizazio mailari dagokionez, begien bistakoa da Teleberrin eraketa
sozial tinko eta iraunkorrek (Talde Formal eta Instituzioak) presentzia handia
dutela albistegietan: %49,2koa.
Aldi berean, Talde Informalei Gizabanakoen presentzia informatiboa
gehitu ezkero, handia da ere eraketa sozial baxuko Subjektuen agerpena:
%49,6.
(62. grafikoa: ETBren IUen Subjektuaren pertsonalizazio maila)
40
35
30
25
20
15
10
5
0
Albistegietan aipatuak izaten diren Subjektu desberdinen nortasun soziopolitikoan
miatuta gero, Sistema-egituraren barne daudenak eta Gizartea dira
defini daitezkeen bi multzo nagusienak. ETBren albistegietan Sistema-egiturako
Subjektuak nagusi dira, IUen %79,1ean bere baitakoak direlako. Aginteegituran
edota inguruan mugitzen direnen presentzian lehentasuna Erakunde
politikoek (alderdi politikoak eta sindikatoak) dute %29,8az. Gainera,
Gizabanako Espezialduen agerpena ez da makala: %28,7koa. Beraien artean
presentzia interesgarria dute futbolistek eta komunikabideetako profesionalek.
Azkenik, portzentualki, %20,6az Instituzioak daude, eta zalantzarik gabe
autonomikoak dira gehien agertzen direnak.
Esan bezala, Gizartea etiketapean kokatu ditugun nortasun sozio-politikoa
duten Subjektuen artean (%16,8) nagusi euskal biztanleria dago (%10,6),
langileria eta mugimendu sozialen ordezkariekin batera. Gizartearen presentzia
informatiboa ez da oso garrantzitsua datuetan ikus daitekeenez.
"Bestelakoak" izenaz ezagutzen ditugun nortasun sozio-politikoen
agerpena, hitzezko informazioan, ez da oso handia (%4).
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 360