Gizarte eta nazio errepresentazioa telebista-albistegietan - Euskara

Plano orokorra
%34,8
Plano ertaina
%11,4
Lehen planoa
%53,8
Teleberriren osagarri ikonikoaren lehen hurbilketa formal honi amaiera
emanez, aipatuko dugu kanale honetan egiten den errekurtso teknikoen
erabilera oparoa. Alegia, printerra eta chroma-key bezalako errekurtso teknikoespresiboen
presentzia markatua da SEGI desberdinen artean. Aztertuak izan
diren hamar SEGIetatik ia seitan aurkitu izan dira aipatuariko errekurtso tekniko
lagungarriak.
5.6.3.3.-Aktanteen itxuraketa formala
Imajinetan zerbait egin edo esanez ikusten ditugun pertsonaiak deitu
ditugu Aktanteak, alegia, informazio ikonikoaren egileak. Aktanteen nortasun
sozio-politiko, pertsonalizazioa, burutzen dituzten Ekintzak, nortzurekin
erlazionatzen diren eta abarrak geroago ikertuko ditugu. Orain, albistegien
osakera formalari buruzko lehen gerturaketa egiten ari gara, baita Aktanteena
ere.
Teleberrin 440 izan dira identifikatu, sailkatu eta aztertu ditugun
Aktanteak. Segmentu Ikoniko bakoitzean, bataz beste, 1,9 Aktante ageri dira.
Irudietan ikusten denaren egile nagusiena da Aktantea, baina sarri beste
batzuekin lanean, hitzegiten eta, oro har, inter-aktuatzen ikus daiteke, bigarren
hau Ko-Aktantea deitu dugu. ETBren edukin ikonikoan 224 Ko-Aktante
aztertuak izan dira.
Aktante desberdinen agerpena pantailetan ez da, iraupenari dagokionez,
berdina izaten. Horretan ere Aktanteen arteko ezberdintasuna eta tratamendu
formal bereiztua soma daiteke. Ondoren ikus daitekeen grafikaren bidez
ilustratzen da Aktanteek ezagutzen duten pantailaratze denborak. Hauek dira
lau tipologiak: txikia (