Gizarte eta nazio errepresentazioa telebista-albistegietan - Euskara

5.5.4.2.3.-Hitzezko informazioaren Destinatarioa
Subjektuak egiten duen Ekintza nori zuzendua den edo nork jasaten duen
argitzen du Destinatarioak. Berak justifikatu eta pertsonalizatzen du, nolabait,
egiten dena norbaitengan isladatuko dela. Baina, IUaren elementu hau ez da
kasu guztietan agertzen. Hobeto esanda, oso txikia da Destinatarioa presente
duten IUen kopurua. Halakoetan ahoz deskribatzen denak ez du inorengan
eragin esplizitorik erakutsiko.
Lagina osatzen duten Informazio Unitateetan %74,7an ez da
Destinatariorik azaltzen. Hau da, IUen lau Ekintzetatik (Esan ala Egin) batek
bakarrik ezagutuko du nori zuzendua den.
Destinatarioaren azterketan sakontzerakoan, elementu hau barik gelditu
diren IUak ez ditugu kontuan hartu. Beraz, ondoko lerroak, hitzezko
informazioan Destinatarioa azaltzen duten IUen artean bakarrik egina da.
Esan dugun bezala, lau IUetatik bakar baten (%25,3) kontabilizatu daiteke
Destinatarioaren presentzia.
Destinatario horiek ezagutzen dituzten pertsonalizazio mailan altua da
eraketa sozial gehiegirik ez dutenena, alegia: Gizabanako (gizonezkoa
%25,3an eta emakumezkoa %2,3an) eta Talde Informalena (%30,3). Bien
artean Destinatarioen ehuneko 57,9a dira.
Baina, hemen ere, Subjektuen kasuan bezala, handia da Talde
Formalaren (%31,5) presentzia. Instituzioen %9,4az, eraketa sozial oso
markatua dutenen multzoa Destinatarioen %40,9an kokatzen da.
Destinatarioen lekua hutsean duten IUen kopuru altua den hori, badirudi
gehiagotan gauzatzen dela Instituzio eta Talde Formalen artean. Bestelako
pertsonalizazio mailak, Talde Informal eta Gizabanakoa, gehiagotan izaten dira
Ekintza jasoko dutenak.
(18. grafikoa: HETIOren IUen Destinatarioaren pertsonalizazioa)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 281