Gizarte eta nazio errepresentazioa telebista-albistegietan - Euskara

Erakunde politikoen kasuan, sindikatuak baino, pisu handiagoa dute
alderdi politikoek (%14,9a alderdi abertzaleena da eta estatalistena %10,1a).
Gizabanako Espezialduen kasuan, ikaragarria da erakunde soziokulturaletako
profesionalen (kirolariak, kazetariak eta enpresariak gehienbat)
pisu espezifikoa.
Sistema-egituraren barruan zentralitate handia duten Instituzio politikoadministratiboen
presentzia ere oso garrantzitsua da. Albistegietan aipatuak
izaten diren Subjektuetatik %21,9ean erakunde autonomiko zein zentraletakoak
izaten dira. Koantitatiboki markatuagoa da instituzio autonomikoen agerpen
maila, baina administrazio zentralekoen presentziak ere bere esangura du,
koalitatiboki ere (%76,9 + %32,1).
Sistema-egituratik at, herritar soil, gizabanako eta kolektiboen presentzia
ilustratuz Gizartea dugu. Tipologia honen barruan Subjektu guztien %18,3a
besterik ez da ageri. Soziologikoki jende multzorik handiena den arren,
albistegietan aurkitzen duen lekua ez da hain zabala. Gizartearen barruan,
biztanleriak (%9,6), hiritar solteak (%3,5) eta langileria (%2,8) dira
aipagarrienak.
Tipologia sozio-politiko honetatik kanpo gelditzen direnen parte hartze
koantitatiboa ez da batere handia: %3,5ekoa.
(14. grafikoa:HETIOren IUen Subjektuen nortasun sozio-politikoa)
Gizartea
Gizabanako
Espezialduak
Besteak
Instituzio
poli-administratiboak
Erakunde politikoak
Ahoz eskeintzen den informazioan ageri diren Subjektuetatik %80,2a
Euskal Herrikoak dira, bertan hiru esparru geopolitiko nagusitzen direlarik: EAE
(%34,8), NFK- (%24,9) eta EH-4 (%20,2). Lehen biek beraien zereginean
autonomietara mugatzen dutenena da (%59,7), beraz eraketa politikoadministratibo
berezituaz identifika daitezkeenak. Azkena, eta txikiagoa denak
(%20,2) Hego Euskal Herri osoan aritzen direnak kontabilizatu egiten ditu.
Iparraldeak ez du, Subjektuei dagokionez, esistentziarik.
EH-4ko Subjektuen parte hartze ikaragarriaren ondotik kokatzen da Estatu
espainiarra: egile ahozkoen %11,7az.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 278