Gizarte eta nazio errepresentazioa telebista-albistegietan - Euskara

Testigantza horren estiloak beste era honetara ere eman daitezke,
ekipamendu eta baliabide teknikoen erabilera azpimarratuz:
"Desde el helicoptero se comprueba el resultado de veintiún
meses de intenso trabajo y del combate con la climatología.."(144. IUK)
"Desde el aire se ve el ritmo de trabajo sobre el tramo que se
inaugurará en el verano..." (144. IUK)
Aktualitatea zabaldu beharraz kazetariaren konpromezua, eta aktualitate
bera autonomoa den continuum bat bezala ulertzen duenarena, ia albistegi
guztien amaieran errepikatzen den esamoldeaz ilustra daiteke:
"Recuerden que nuestra siguiente cita será a las siete y cuarto de
la tarde, en la segunda edición de este informativo"(10. IUK)
"Es un dato que ampliaremos en la siguiente edición de
Telenavarra." (7. IUK)
5.4.8.3.-Albiste iturburuarekiko erlazioa
Beste kanalekin konparatuta, ordenu politikoaren ikuspegitik, osagarri
negatiboak dituzten IUKen kopurua baxuagoa edukitzeagatik edo, iturri
informatiboaren atribuzioak ez du horrenbesteko garrantzirik Telenavarran.
Halakoetan, nola ez, informazio iturri instituzionalen sendotasun eta
irmotasuna indartzen da. Izan ere, ez da titular deigarrien teknikarik jarraitzen
eta, oro har, ez da "omen"-en errekutsoarekin jokatzen, eta nork-zer egin/esan
ardatza zuzenean segitzen da ia kasu gehienetan. Nahiko normala da gainera
(agintearen normaltasuna, bestalde), IUK bakoitzean instituzio politikoadministratibo
edo talde antolatu baten ordezkariak, kazetariak esanikoa
baieztatu eta azpimarratzea (batzuetan bestelako datu informatiborik eskeini
gabe):
-Babes ofizialeko etxebizitzei buruzko notizian kontseilariari
elkarrizketa bat txertatzea (145. IUK)
-Pila biltzeko kanpaina osatuz, arduradunari elkarrizketa
egitea (76. IUK)
IUK-ren iturburuari dagokionez, ez da oso aipatua izaten, datu estatistiko
edota prezioena ez bada. Horrek adierazten du noraino, kasu gehienetan
iturburua ontzat hartua izan denetan ez zaiola inolako zalantza izpirik
erakusten, (beti presente dagoena ez dirudi bere presentzia justifikatu beharra
duenik). Bestelako kasuetan, adibidez IUK polemiko edota sistematik
kanpokoen kasuetan, beti azaltzen da. Ondoko adibideak IUK beretik
ateratakoak dira, eta bere ugaritasunak garbi erakusten duenez IUK klase
batzuk jatorri informatiboa justifikatu beharrean aurkitzen dira:
"Herri Batasuna ha elegido Pamplona como escenario del
próximo Aberri Eguna..."
"Dirigentes del grupo abertzale han declarado que..."
"Jon Idigoras ha señalado que..."
"Para los dirigentes del grupo abertzale..."
"Según Adolfo Araiz..."
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 255