Gizarte eta nazio errepresentazioa telebista-albistegietan - Euskara

zentruaren notiziarioetan. Euskal Herriaren osotasuna aipatzen ez den
bezala, Estatu espainiarreko marko orokorra presente izaten da azterturiko
albistegietan.
Esplizitazio geokomunitario gehienak nafar komunitate eta Estatu
espainiarrekoaz dute zerikusia. Euskaraz eta gazteleraz berdinak ez izan
arren "nuestra comunidad" eta "España" edo "nacional" dira gehien erabiltzen
direnak. Modu grafikoan adierazita, eguraldiaren berri ematean Nafarroako
mapa (grafismo elektronikoz buruturikoa) isolatu bat ageri da inguruan inolako
erreferentziarik ez duela.
Aipatuak izaten diren IUKen esplizitazio emanak errepikatzen dira
informazio testualean. Euskal Herriak bere osotasunean duen izakera politikosoziala
ez da inoiz aipatua izaten.
Eguraldiaren berri ematean ez bezala, inguruko autonomi elkarte zein
Estatuen erreferentzialtasuna edota konparazio puntua bilatzen denean,
Estatu espainiarra da nagusi bezain garbia. Estatu espainiarra da Nafar
Komuninate Foralean gertatzen direnak erlatibizatzeko esparru erabiliena.
Euskal Herriak ez du erreferentzialtasun esplizitorik ezagutuko, are eta
gehiago, inguruko beste lurralde autonomoekin parekatuko da Nafarroarekin
konparatu beharreko IUKetan. Estatu espainiarrekoaz gain, Europa idealizatu
eta "urrruti" samarraren figura ageri da IUK-ren baten.
5.4.2..-Nortasun kolektiboa
5.4.2.1.-Izakeraren definizioa
Telenavarraren albistegietan ez da testualki, eta modu esplizitoan,
nafartasun indibidual zein kolektiboari buruzko elementurik eskeintzen.
Komunitate autonomo gisa duen gorpuzkera eta eraketa politikoadministratiboa
eta horren ondorio sozialak azpimarratzen dira gehiago,
azterketa koalitatibo honen beste azpiataletan ikusi dugun bezala
Nortasun indibidualak ez du beraz osagarri esplizitorik aurkituko
albistegietan, bai aldiz, kolektibo gisa dituen instituzioen bidez izakera propioa
proiektatuko:
"Hacemos el balance de cuatro años intesos de arduo trabajo en
una institución que representa a todos los habitantes de la Comunidad
Foral, el parlamento de Navarra."
"...la institucionalización de la democracia navarra en el marco
constitucional de España es el espejo transparente de la opinión
pública y el instrumento que protege el autogobierno de una pequeña
comunidad autónoma."(124. IUK)
Aipaturiko izakera instituzionalak ez du zergatik homogeneitate
politikoaren sinonimoa izan beharrik, ondoren ikus daitekeenez:
"Una etapa marcada por el pluralismo y la fragmentación política.
En los escaños siete grupos parlamentarios pertenecientes a ocho
formaciones, ninguna de las cuales, por sí misma, obtuvo la mayoría
suficiente para formar gobierno."(124. IUK)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 237