Gizarte eta nazio errepresentazioa telebista-albistegietan - Euskara

Baina, bada Estatu espainiarreko erreferentzialtasun praktiko eta
zehatzaren gainetik beste bat maila sinbolikoagoan. Europaren marko orokor
eta positibizatua ageri da TVENAn, beste telebista kanaletan gertatzen den
bezala, helburu idealizatu modura zirriborraturik:
"...dotar a Navarra de una infraestructura que la puede hacer
competitiva con las comunidades europeas" TVENA-(124. IUK)
"Este volumen ha señalado, colectivo e interdisciplinar, trata
sobre los actuales problemas de protección jurídica de los
consumidores tanto en España como en la Comunidad
Europea."(43. IUK)
"La religiosa navarra Juana Elizondo Leiza ha sido nombrada
en Roma Superiora General de la Congregación Hijas de la
Caridad. Esta orden, que celebra estos días su asamblea general,
atiende más de tres mil centros en todo el mundo...(...) En España
fueron conocidad por las Casas de la Caridad antecedentes de los
centros sanitarios." (147. IUK)
5.4.1.6.-Azpiatalaren sintesia
Lurraldetasunaren definizioan, Telenavarrak erabiltzen dituen gaiak,
nolako esplizitazio geopolitikoak pantailaratzen dituen, non kokatuz hitzegiten
duen, non bilatzen duen erreferentzialtasun zabalagoa eta zeintzurekin
aurkitzen duen konparazio puntua dira elementu garrantzitsuak.
Ezer baino lehenago, gogoratuko dugu TVENAko albistegietan, ez dela
Estatu zein nazioarteko albisterik ematen, beraz komunitate autonomo
mailara mugatzen du bere zeregin profesionala. Eta lan honetan, propioa
kontsideratzen den lurraldea definitzeko orduan instituzio politikoen
superpresentzia ageri da begien bistan.
Komunitate autonomo maila orokorrean bezala, eskualde zein udal
instituzioen presentzia informatiboa nagusia da Telenavarra delako
albistegian. Subjektu instituzionalen nagusitasun horrek, instituzioek berezkoa
duten eragin-esparrua, tokizen eta eraketa geoadministratiboa isladatu egiten
dira albistegi beraren edukinean.
Insituzioaren superpresentzia bi motatako ondorioak ditu
informatiboetan: instituzioa legitimatuz eta berorren hizkera geopolitikoa
asumituz.
Lehenaren arabera, Telenavarrako albistegietan "instituzioa" eta "herria"
parekatuta daude. Batak bestea errepresentatzen du eta bere alde egiten du
lan, eta horren ondorioz hobekuntza eta garapen tekniko-soziala gauzatuz
doa.
Bigarren puntu modura, instituzioek duten eraketa eta eragin esparrua
ontzat eta erabilgarritzat hartzen du TVENAk, eta beraiek erabiltzen duten
antolaketa geopolitikoa birsortuta agertzen da, nafar herritar zein osakera
geopolitikoa arrazoituz.
Esandakoaren ildotik, Telenavarraren albistegiak osatzen duten notizia
gehienak Nafarroakoak dira, bertakoa dutelarik notizigarritasun esparrua.
Baina, gainera, inguruko komunitate autonomo zein Estatu espainiarreko
osotasunari erreferentziak egiten zaizkienean beti azpimarratzen da nafarren
ikuspegia. Ez dago zalantzarik non duen abiapuntu TVEk Iruñean duen
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 236