Gizarte eta nazio errepresentazioa telebista-albistegietan - Euskara

5.3.6.3.-Sexuari buruzko aipamenak
IKEIren ikerketa soziologikoaren emaitzez informatzen duen IUK-n, saku
berean sartzen dira sexua zein generoari buruzko elementuak, alegia:
bortxaketa, abortoaren legea, homosexualen onespena, antisorgailuena, sexua
eta etxeko lanen banaketa nahastu egiten dira esaldi beretsuetan.
¿Y de sexo? ¿Hablamos de sexo?. Sí, pero menos, que son las
dos y pico. Destaquemos que entre los datos del sondeo un par de
ellos. Un 26% aprueba la convivencia en común de una pareja
homosexual, dos terceras partes afirman apoyar el derecho a la
información libre a los hijos menores sobre anticonceptivos.
"Así, sólo uno de cada cuatro vascos afirma interesarse por la
política, el 67% se consideran creyentes religiosos y 3 de cada 4 se
confiesa de acuerdo con la ley del aborto tal y como está redactada en
la actualidad.
"...cuando se le pregunta al encuestado sobre si contra violación
castración, hay 50 que contestan sí y 50 que contestan no." (18. IUK)
Aipaturiko zita luze horretan ikusi daitekeenez, sexuaz hitzegiterakoan
homosexualek elkarrekin bizitzeko eskubideari buruzko iritzia eta
antisorgailuen onarpen soziala aipatzen ditu esaldi berean. Gainera,
homosexualen eskubideak sexuari dedikaturiko pasartean kokatzen den
bezala ez da hala gertatzen abortoa edota bortxaketen aurreko erreakzio
sozialaz. Hau da, sexualitatea, eskubide indibidualak eta permisibilitate soziala
poltsa berean pilatzen dira, ordenik gabe.
5.3.6.4.-Azpiatalaren sintesia
Telenorteren albitegietan ere, emakumezkoen presentzia testuala zein
ikoniko, ikuspegi koantitatibotik ere oso urria da. Eskeintzen den informazio
testualean, pertsona solte bat agertzen den bakoitzean hamar aldiz gehiagotan
izango da gizonezkoa emakumezkoa baino. Irudietan ere fijatuz,
emakumezkoak zazpi aldiz gutxiago agertzen dira.
Aipaturiko agerpen eskasak, konnotazio koalitatibo interesgarriak ditu.
Esate baterako, telebista kate guztietan gizarte osoari buruzko informazioa
ematen dutenean (hauteskunde-emaitzak, ikerketa soziologikoak, datu
estatistikoak...) kaleko irudiak erabiltzen dituzte. Soporte ikoniko horretan,
erabat instrumentala bestalde, aipagarria da emakumezkoaren agerraldia. Irudi
horietan, emakumezkoaren presentziak populazioaren barruan duenaren
mailara iristen da, ez bestela. Emakumezkoaren marjinalizazio telebisiboa
garbia da TVEBIn ere. Halere, langabezi-kopuruari buruzko informazio baten,
emakumezkoengan datu honek duen aplikapena zehazten da, agian, oso modu
apalean, laboralki ere marjinaldurik dagoen emakumezkoaren egoera plazaratu
guran.
Esan bezala, kaleko irudi "instrumentalak", etxe barruko lanetan eta
prostituzioari buruzko agerraldietan bisualizatzen da emakumezkoen zeregin
soziala. Prostituten kasuari lotuz, estigmatizaturiko eginbehar bezala
proiektatzen da TVEBIren irudietan. Amatasuna, egungo errol banaketaren
interpretazio pertsonala izan daitekeen "orden en sus vidas" edota etxeko lanen
(sukaldaritzan, jostun gisa...) antipodatan kokatzen da prostituzioa. "Mundu
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 214