Gizarte eta nazio errepresentazioa telebista-albistegietan - Euskara

Modu berean, 114. IUK-n, arabar dendariek gizarteari erosketa-txartela
berriaren bitartez hobekuntzak ekartzen dizkiola esaten da adibide honetan:
"También contempla novedosas ventajas para el cliente a
quien se le brinda la posibilidad de comprar a plazos, sin ningún
tipo de recargo(...). Además de comprar, la tarjeta también permitirá
sacar dinero de los cajeros automáticos de la Caja Vital. Será
gratuíta..."(114. IUK)
Instituzio politiko-admnistratibo eta ekonomikoen onurak eta herritarren
ongizatea bermatuz aurkeztea nagusi bada ere, autokritikari zirrikitu txiki bat
uzten zaio ondoko IUK-n. Udal hauteskundeen berri ematen den IUK honetan,
Garaikoetxeak instituzioen inguruko hainbat kritika eta emendakin planteatzen
ditu instituzioaren funtzionamenduari buruz:
"Yo creo que un cambio de estilo en la manera de gobernar,
fomentando cauces de particiación ciudadana para evitar la
personalización excesiva de la gestión, la transparencia de manera
que esta no sólo consista en ruedas de prensa esporádicas..."(20.
IUK)
Esandakoaren arabera, horiek lirateke instituzioetan hobetu beharreko
elementu batzuk:
"evitar la personalización excesiva",
"transparencia ", "cambio de estilo en la manera de
gobernar"(20. IUK)
Halere, autokritikak muga estuak ditu eta ez da langaz kanpoko
terrrenuan uzten. Instituzio barruko eskandaluari buruzkoa da 60. IUK zenbaki
duena, Gasteizko udalak ilegalki konstrukzio baimenak eman zituelari
buruzkoa. Antzera gertatzen da 63 zenbakidunean, bertan Garaikoetxeari
eginiko entzunketa ilegalak aipatzen dira, baina nahasturik daudenen
identitatea edota horren inplikazio politiko-legalak ez dira aipatuak ere egiten.
Beste eskandalu kasu bat da txanpon-jale makinen auzia (17. IUK). Beste bat
donostiar udalak euskara inposatu nahi duelakoa (64. IUK). Guzti hauetan
inplikazio politiko graberik edota traszendentzia handirik ez zaio aurkitzen.
Gehiengoaren pisu eta legitimitateaz horniturik dagoen instituzio sendo
eta positibizatuetatik urruti daude kontra-agintea errepresentatzen duten
taldeak .
Herri Batasunari buruzko IUK-k, negatiboak diren beste batzukin sekzioak
osatuz agertzeaz gain, instituzioen jokutik arbuiaturik aurkeztua izaten da.
Esate baterako, HBko partaide bat, inmoralitatez akusaturik, bilera baten ageri
da eta ikonikoki ere beste alderdi politikoetako ordezkariak eta HBren
artekoaren aldea, distantzia fisikoan ere, azpimarratzen da. 85 zenbakia duen
IUK-n ere, hutsuneaz azpimarratzen da noraino HB dagoen instituzioen
dinamikatik kanpo. Herri Batasunaren kontra instituzioen jarrera fulminantea
da, alderdi honek aurkezturiko proposamenak erantzuna jasotzean:
"...han provocado la reacción inmediata del diputado
general."
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 200