Gizarte eta nazio errepresentazioa telebista-albistegietan - Euskara

5.3.3.1.-Kultur-berriei emaniko lekua
TVEBIko albistegian kulturari dedikaturiko IUKen kopurua ez da oso
altua, beste kanaletan ez bezala %10,9ra heltzen den arren, esparru tematiko
honek garrantzi handirik ez du lortzen.
5.3.3.2.-Kultura euskalduna eta kanpokoa hemen
Kulturari buruzko berriak, gehienetan, kanpotik datoz, horrela gertatzen
da, besteak beste, pintura, antzerkia eta operari buruzkoaz. Kultur ekitaldi
hauek kanpotarrek eginak dira eta hemen ikustera besterik ez dira ematen.
Kasu guztietan ekitaldi kultural hauek Bilbo Handian izan dira plazaratuak.
Ondoko lerroetan ikus daitekeenez, pintura erakusketa honetan egilearen
jatorria eta erreferentzia kulturalak espainiarrak dira.
"Está considerado como una de las principales figuras de la
escuela española de pintura en París y representante fundamental
de la vanguardia madrileña de los años veinte"
"La exposición ha sido organizada por el Ministerio de Cultura
con obras procedentes del Centro de Arte Reina Sofia"(140. IUK)
Telenorten eskeintzen den testuinguratze kulturala markatua da oso,
euskal kulturari inolako lekurik uzten ez diona. Haur literaturaren nazioarteko
egunaren ospakizunetan, adibidez, garbiki ikusten da sortzen den lerrotze
kulturala arrotza dela hemengoaren inolako erreferentzirik ez duelarik. IUK
horretan, marko gisa eraikitzen den esparrua kanpokoa da eta EAE aipatzen
denean beti da ikutu geografista hutsez:
"Hoy, dos de abril, hubiera cumplido años Hans Christian
Andersen, el más famosos autor de narraciones infantiles. En su
homenaje, se celebra hoy el día internacional del libro infantil. En el
País Vasco se editan al año mil títulos destinados a niños y a
jovenes." (115. IUK)
Esan bezala, egiten diren leku aipamenak konponente geografiko hutsa
daukate eta ez dute inolako datu kulturalik eskeintzen. Ondoko lerroetan
ikusiko dugunez, Euskal Herrian argitaratzen diren liburuetatik ez da aipatu ere
egiten zenbat diren euskaraz eta zenbat gazteleraz:
"En el País Vasco, la producción literaria infantil supera la
media española. Más de la mitad de los libros editados aquí se
dedican a este tipo de pùblico"(115. IUK)
5.3.3.3.-Euskararen erabilera; euskararen inguruko konnotazioak
Ez da euskararik entzuten Telenorteren albistegietan, gaztelera hutsez
emititzen baititu bere notizi-saioak. Euskara gai edota aipamen modura duten
IUKetan, ikutu politikoa daukate eta arazo "puntua" erakusten dute.
Lehen adibidean, euskararen erabilera protokolarioa aipatzen da
Leitzarango autobidearen inguruko IUK-n:
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 193