Gizarte eta nazio errepresentazioa telebista-albistegietan - Euskara

dedicamos a todo esto, y que hagan el favor de no generalizar. ¿Me
comprenden? Esto para el pueblo payo, que no crean que todos somos
iguales"(59. IUK)
Sintomatikoa da, kazetariak ijitoen eledunari galdetzen dionean ea zenbat
ijito diren/dauden, erabiltzen duen galdera moetak ez duen inolako esamolde
inplikatzailerik erabiltzen (izan versus egon):
"¿Cuantos gitanos hay en el País Vasco?"(59. IUK)
Interesgarria da, konparazio gisa, gogoratzea nola mintzatzen den
kazetaria IKEIri dedikaturiko IUK-n, non medioa komunitateaz identifikatzen
zen ("¿Cómo somos según ese informe?", "¿Y cómo andamos de eso los
vascos?"(18. IUK)), ez da halakorik somatzen aipatua bezalako ijitoei buruzko
esaldietan.
Ijitoena bezala, prostitutena bada, gizartearen barruan telebistaren bidez
bisualizatzen den beste azpikomunitate marjinaldua.
"...la marginación de prostitutas..."
"...devolverles la dignidad humana..."
"La sociedad y todo el mundo se ha aprovechado de ellas,
entonces, la valoración que ellas tienen de sí mismas es pobre y baja"
"En Gizarterako encuentran ese respeto que sin embargo, se les
niega en otros muchos lugares" (123. IUK)
5.3.2.4.-Azpiatalaren sintesia
Telenorte delako albistegietan, nortasun kolektiboa, hau da, euskaltasuna
definituz hainbat elementu eskeintzen dira. Ikerketa soziologiko baten emaitzaz
baliatuz, euskal nortasuna zirriborratzen da, hori bai, izakera indibidualean
oinarrituriko elementuez baliatuz. Bizimoduan baino, pentsamoldean oinarritzen
da TVEBIren arabera Euskal Herriak duen nortasuna. Gizabanakoen iritzian
oinarritutako ñabarduretan desberdintasunak azpimarratzen dira. Euskal
gizartea iritzi kontrakoez osoturik dago, ez dago akordioari buruzko aipamenik,
ez da common place-ik pantailaratzen.
Aipatua dugun nortasun kolektiboaren definizioan, TVEBIk ez du
arrazarena elementu definigarri gisa erabiltzen, nahiz eta ondoko azpiatalean,
ijitoen berri hitzegiterakoan aspektu hori agertu. Izan ere, herria, komunitatea,
lege-zaharra eta arraza esparru semantiko berean kokatzen ditu Telenortek
ijitoei buruz aritzerakoan. Modu honetara, ijitoak azpigizarte baten murgildurik
telebistaratzen dira.
Azpikomunitate eta normaltasunetik at bizi diren ijito eta prostitutak ondo
zedarriztaturiko esparru soziologikoan bisualizatzen ditu TVEBIk. Ez da inolako
esaldi inplikatzailerik erabiltzen bi kolektibo hauei buruz hitzegiterakoan.
5.3.3.-Kultura eta Hizkuntza; Euskara
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 192