Gizarte eta nazio errepresentazioa telebista-albistegietan - Euskara

herritarrak bezala bere ordezkaritza duten instituzioek iritzi desberdinak
dauzkate, elementu bateratzaileei leku gehiegirik gelditzen ez zaielarik.
5.3.2.-Nortasun kolektiboa
5.3.2.1.-Izakeraren definizioa
IKEI izeneko ikerketa-institutuaren emaitzak erabiliz (18. IUK), Telenortek
euskal herritarren izakera zirriborratzen du. Ikerketa soziologiko honetan
aztertua izan den jende multzoaren eraketa politiko-administratiboa TVEBIk
nola ulertzen duen agerian geratzen da, baita ere medioa, telebista-kanalea,
esaten denaren barruan nola inplikatzen den. Beste hitz batzuetan esanda,
Telenortek ondorio soziologikoak ere ematen dizkio Hego Euskal Herria bi
autonomiatan eratuta egoteari. Aldi berean, komunikabidea, esaten denaren
barruan inplikaturik agertzen dela ikus daiteke.
"...encuesta sociocultural que ha realizado el Instituto Vasco de
Estudios e Investigación-IKEI y que ha dado a conocer hoy en Bilbao.
Para su elaboración se consultó el pasado més de junio a mil
seiscientos ciudadanos de la Comunidad Autónoma Vasca y Navarra..."
"¿Cómo somos según ese informe?"
''¿Y cómo andamos de eso los vascos?"(18. IUK)
Euskal kolektiboaren izakera propio den elementu bat bezala aurkeztua
izan ondoren, honako hauek dira, berori definitzeko erabiliko diren parametro
nagusienak: buruturiko ikasketa maila; kanpaina politiko-instituzionalekiko
jarrera eta arreta; erlijio sinismenak; inguru giroaren egoera, bortxaketak,
aborto legea, bikote homosexualak edota gazteak eta antisorgailuei buruzko
iritzia. Hau da, IKEIren ikerketatik aipatuak izango diren elementu definigarriak
maila indibidualekoak dira: iritzi pertsonalaren mailakoak. Ez da ikuspegi
kolektibo, talde-izakera, eta ikuspegi orokorrik emango duen alderdirik
erakutsiko. Izakera kolektiboa, egon badagoena Telenorteren arabera,
nortasun indibidualean sustarturik ageri da.
("la opiniones recogidas sobre el matrimonio, el trabajo, el sexo,
etc...pueden dar una idea de cómo somos.(18. IUK)
Gizabanakoen nortasunean oinarrituriko elementu definigarrien arabera,
euskal herritarren arteko elementu bereizgarriak bateratzaileak baino leku
gehiago dute, soporte estadistiko eta adibideena erabiliz. Ondoko adibidetan
ikus daitekeenez, euskal herritarren artean iritzi banaketa eta ikuspegi
desberdintasuna da nagusi hainbat gaien inguruan:
"¿Cómo somos según ese informe? Pues a la vista de algunos
datos, unos cafe y otros leche. Por ejemplo, la mitad de los
encuestados se sienten satisfechos con (...), la otra mitad insatisfechos.
El 50% cree que (...) y el resto las consideran (...). Son el mismo
porcentaje quienes opinan que (...), que quienes piensan que (...)" (18.
IUK)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 190