Gizarte eta nazio errepresentazioa telebista-albistegietan - Euskara

5.2.6.3.-Sexuari buruzko aipamenak
Sexuari buruzko aipamen gutxi egiten da ETBko albistegietan, edozelan
ere, IKEIren ikerketa sozio-kulturalaren berri ematen duen IUK-n erakusten
denez, parekatu egin daitezke kontzeptualki jarrera familiar eta sexualak:
"De las respuestas de este muestrario se deduce que los niveles
de permisibilidad sobre el comportamiento familiar y sexual son altos
entre la población vasca, ya que un 60% de los encuestados aprueba la
cohabitación antes del matrimonio y el mismo porcentaje considera que
los hijos deberían dejar el hogar cuando quisieran." (9. IUK)
5.2.6.4.-Azpiatalaren sintesia
Euskal Telebistaren albistegietan, emakumezkoen presentzia beste
kanaletan baino askozaz ere urriagoa da. Gizonezkoekin konparatuta, ia hogei
aldiz emakume gutxiago pantailaratuak izango dira. Informazio testualean,
datuak are eta deigarriagoak dira: aipatua izaten den emakumezko soil
bakoitzeko 83 gizonezko izango dira informazioaren subjektu.
Emakumeen dedikazio-esparrua aztertzerakoan etxeko lanena ageri da
ETBn. Bertan, gizonezkoen "kale egitea" aipatzen da, baina aldi berean
orokorra den egoera bat birsortzen da. Ildo beretik, lehen mailako politiko
baten "emaztea" elbarrituei musuak ematen ageri da, ordezkaritza politiko
konsorteari zaintzailearen papera gehituz. Gosearen kontrako kanpaina baten
bultzatzaile modura ari den emakumezkoaren agerraldia ere soma daiteke
Teleberrin hain eskasak direnen artean .
Hizkera sexistaren erabilerak bere osotasunean ikus daiteke,
orokorragarria den plurala beti maskulinoan egiten delako.
Hutsaren hurrengoak dira sexuari buruz eginiko aipamenak. Edozelan
ere, kasu bakar horretan ezkonbakoen harreman sexualei buruzko iritzia eta
heldu ostean seme-alabak etxean jarraitzearen arazoak maila berean, eta
esparru tematiko berekoak balira bezala jorratuak izan dira.
5.2.7.-Tradizioa eta Modernitatea; Garapena
5.2.7.1.-Tradizioa
Bi testuinguru desberdinetan ageri dira, koalitatiboki interesgarria
kontsideratu dugun, tradizioari eginiko erreferentziak. Lehenean, instituzio
politiko-administratiboen dinamika eta protokoloa deskribitzen denekoa eta,
bigarrena, Euskal Herrian oso tradizionala den baserriaren garapen
ekonomikoari buruzko IUK-n.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 169