Gizarte eta nazio errepresentazioa telebista-albistegietan - Euskara

Gainera, akordio ezaren alde txarrak eta biztanleengan honek eduki
dezakeen ondorioak erakusten dira:
"...en algunas gasolineras se constata la falta de combustible"
"...se ha cancelado el vuelo de la tarde..."
"La huelga(...) está provocando la saturación de las carterías por
acumulación de correspondencia"(131. IUK)
5.2.5.4.-Azpiatalaren sintesia
Konfliktuaren presentzia informatiboa aipatzeko modukoa da Teleberri
albistegietan. Aztertu ditugun notizi-saioetatik hainbat IUKetan egungo ordenu
politiko-legalaren kontrako elementuak kopuru aipatzeko modukoan (%14,3)
ematen baitira. Biolentzia bere baitan dituzten IUK hauetatik bi dira nagusi:
Golkoko gerrari buruzko informazioak eta ETA gai modura dutenak. Lehenaren
kasuan, bi osagarri kontrajarriak soma daitezke: alderdi gogorra (diplomazia,
gerraren ondorio ekonomikoak...) eta biguina edo humanitarioa (zaurituak,
nazioarteko elkartasuna). Bi elementu hauek bereiztuta ageri dira albistegiaren
edukin-egituraketan, aparte baitliren, batak bestea inplikatuko ez balu bezala.
Euskadi Ta Askatasunari buruzko berrietan, nabaria da nola ETA
gutxiengo, biolentzia eta lege demokratikoen kontrako gisa karakterizatua
izaten den. Bere planteamenduen beste puntan agertzen dira instituzioak eta
hauen inguruko alderdi politikoak, gehiengoa eta legitimitate osoz jantzirik.
Bigarrena erabat positibizatua ageri den bezala ETArena ezta, gainera, bere
izakeraren eta jardueraren inolako arrazoirik ez da albistegietan azalduko.
Biolentziak ez du zergati esplizitorik albistegien logikan.
Teleberri izeneko albistegietan ere, akordioa beti helburu modura
agertzen da. Desadostasun eta iritzi gora-behera guztien gainetik eta guztien
onerako izango delakoan akordioa aldarrikatzen da. Instituzioen artekoa bezala
alderdien baitako oreka goraipatzen da, aldi berean honen faltako arriskuak
agerian utziz. Negoziazio ezaren ondorioak agerian lagatzen dira mundu
laboraleko IUKetan non patronala eta sindikatuen ordezkariek hizkera
desberdinetan mintzatzen diren eta non hiritarrengan protestaldiek izaten
dituzten ondorio kaltegarriak aipatzen diren. Emaitza txar horiek ekiditzeko ere
birraipatzen da adostasuna eta akordioa noraino diren beharrezkoak.
5.2.6.-Genero sistema
5.2.6.1.-Emakumezkoen presentzia: zenbat eta zelakoa
Oso ahula da emakumezkoen agerpen koantitatibo zein koalitatiboa.
Koantitatiboki behintzat ETBko datuak nahiko adierazgarriak dira, izan ere
Teleberriren IUetatik, subjektuen %0,4a (%33,2 gizonezkoak) eta pantailan
agertzen diren aktanteetatik %3,4a (%54,1a gizonezkoak), bakarrik dira
emakumezkoak. Aurkezle gisa ageri diren emakumezkoei dagokionez, beti
funtzio lagungarrietan aritzen dira eta inoiz ez aurkezle-nagusi paperean.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 167