Gizarte eta nazio errepresentazioa telebista-albistegietan - Euskara

5.2.4.2.-Aginte instituzionalizatua eta biztanleria
Instituzioa eta herritarren arteko erlazioa, ETBren kasuan gehiengoaren
erreferentziaz gauzatzen da. Izan ere, Teleberriren albistegietan gehiengo
zabal eta antzerakoaren ideia zabaltzen da zeinarentzako lanean ari den
instituzioa. Baina aldi berean, gizabanakoak komunitateaz dituen konpromezu
eta betebeharrak ere markatzen dira.
Teleberrietan, ez da interpelazio indibidualik egiten, alegia, biztanle
xehen indibidualtasuna ez da askotan markatua izaten, kasu horietan "gu"
forma bateratzailea/homogeneizatzailea erabiltzen da. Hori horrela izanik,
gehiengoaren multzoa ageri da sendo eta erreferente gisa, klase ertaina
kontsideratua izan daitekeena. Diskurtso orohartzaile eta inguratzailea dela
esan dezakegu.
Telebista kanale autonomikoaren albistegietan, erreferentzi zuzenak
batzuetan eta zeharrekoen bidez besteetan, klase ertaina eta gehiengoaren
prototipoa eraikitzen da, esate baterako, hau bezalako aipamenen bidez:
"Nuestros bolsillos se han llevado hoy una buena alegría,
porque quién no tiene créditos y deudas con los bancos. Pues
escuchen bien, porque el Banco de España ha anunciado que
rebaja los intereses en un 1%." (1. IUK)
Antikuarioen feriaren IUK-n, pertsona arruntari buruz esaten da:
"...no todos los objetos resultan inasequibles para los bolsillos
medios, eso sí, precio y tamaño coinciden en casi todas las
ocasiones"(10. IUK)
Klase ertainaren bizimodu, kontsumo ohitura eta ñabarduren tipifikazioa
errenta aitorpenaren IUK-n ere agertzen da. Hau bezalakoen bidez, errenta
deklaratu beharraren ideia plazaratzen da, denok egin beharko duguna:
"...les vamos a contar algunas cosas que pueden dejarnos
las cartera más vacía. Hoy llega una de las épocas del año más
temida por casi todos. Es la hora de hacer cuentas con
Hacienda"(106. IUK)
Ondoko IUK-n ere, erabiltzen den hizkeragatik, egunerokoa eta mundu
guztiarentzako normala izan daitekeen autopistatik ibiltzeaz ari da:
"Viajar por autopista es más caro a partir de hoy."(110. IUK)
Lehen ere esan bezala, herritar eta instituzioen arteko lotura azpimarratua
izan da, instituzio politiko-administratiboak legitimazio eta biztanlegoaren
ordezkapena dutelako. Baina, gizabanakoak eta kolektibitatearen arteko
erlazioak, betebeharrak eta konpromezuak ondokoa bezalako gaietan ematen
da, alegia errenta aitorpena:
"Es la hora de hacer cuentas con Hacienda y presentar la
declaración de la renta"
"Las Haciendas vascas han realizado un esfuerzo por
mejorar los servicios de información y atención al ciudadano,
ampliando las oficinas y el personal que atenderá al contribuyente
hasta el 25 de junio."(106. IUK)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 160