Gizarte eta nazio errepresentazioa telebista-albistegietan - Euskara

"Ha sido positivo, tenemos el apoyo de ellos al cien por cien. La
sociedad social también lo apoya en cien por cien..."(52. IUK)-(ijito
baten hitzetan).
5.2.2.4.-Azpiatalaren sintesia
Teleberrik, euskal izakera kolektiboa deskribatzerakoan, Hego Euskal
Herria banatzen duen eraketa politiko-administratiboa deskriptiboki erabili
arren, guztientzako elementu bateratzaileak azpimarratzen ditu. Ikerketa
soziologiko baten emaitzak erabiliz, euskal nortasuna marrazten da,
homogeneitatea eta antzekotasunei tokia eginez. Desberdintasunak, kontrako
ikuspegiak eta iritzi banaketa bigundu egiten dira, amankomunean euskal
herritarren izakera jarriz. Gainera, euskaltasunaren markua Estatu
espainiartarren artean bilatzea baino europearren artean aurkitzen du. Gizarte
artikulatu eta bateratua ageri da, nortasun kolektiboaren jabe.
Arrazak, nortasun pertsonal zein komunitarioaren definizioan ez du
bestelako lekurik ezagutuko, eta ijitoen kasuan herria eta komunitate hitzekin
parekaturik ageri da.
Gizarte artikulatu eta homogeneoaren baitan, normaltasunaren ertzetan
edadetu, elbarritu eta ijitoak ageri dira soilik. Marjinalian bizi diren hiru azpitalde
horien erreferentziak egiterakoan beti normaltasunaren maila non den
markatzen da. Gehiengoaren patroia beti dago presente.
5.2.3.-Kultura eta Hizkuntza; Euskara
5.2.3.1.-Kultur-berriei emaniko lekua
Koantitatiboki, Teleberrin, kultur munduko IUKek ez dute leku gehiegirik
eskuratzen, %5,8a. Gainera, tematikoki kultural modura sailkatu ditugun
eskasen artean, bat kirol zinemari buruzkoa da eta bestea antikuarioen azoka
du gai modura. Beraz, esan daiteke, ezpairik gabe, kulturari buruzko gaien
presentzia ahula dela aztertu ditugun ETBko albistegietan.
5.2.3.2.-Euskal kultura eta kanpokoa hemen
Atal honi buruz ez da Teleberriko albistegietan elementu aipagarririk
aurkitu izan.
5.2.3.3.-Euskararen erabilera; euskararen inguruko konnotazioak
Agurretatik aparte, euskararen erabilera oso urria da gazteleraz emititzen
duen ETBko kanalean. Hori bai, euskarari buruz hitzegiten denean
mahaigaineratzen diren konnotazioei garrantzia eta positibotasuna ematen
zaizkie. Estebaterako, EAko hautagai baten aurkezpena egiterakoan,
kandidatuak daukan adina eta lanari buruzko detaileak emateaz gain, bere
euskaldunberritasuna aipatzen da.
"Sanchez Iñigo de 63 años, euskaldunberri y hasta ahora
Director del Departamento del Centro Histórico de Vitoria..."(8. IUK)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 154