Gizarte eta nazio errepresentazioa telebista-albistegietan - Euskara

Lehenago aipatu bezala, oso sarri, ETBko albistegietan, Euskadi edota
País Vasco geoesplizitazioak polisemikoki erabiliak izaten dira, ez baita
esaterik, zehazki, EAE edo NFK-az ari diren bakarrik ala biei buruz.
Beste IUK batzuetan, eta normalean tematikoki politikaadministrazioarekin
horrenbesteko menpekotasuna ez duten IUKetan,
euskaltasuna beste modu baten ageri da zehaztuta. IKEIren kasuan "los
vascos" orokorrak, bi komunitate autonomoak hartzen ditu bere baitan.
"Lo que les vamos a contar a hora habla de cómo somos los
vascos, cada vez más parecidos al resto de los europeos. Según un
estudio elaborado en las Comunidades Vasca y Navarra, nuestra
sociedad es cada vez más moderna, más abierta y más urbana. "(9.
IUK)
Lehenago esan dugun bezala, "vasco"-tasuna trans-autonomista gisa
definitzen da:
"Analizar de forma cualitativa la percepción del bienestar,
condiciones de vida y opiniones generales de los vascos es uno de
los objetivos fundamentales del informe social y cultural del País
Vasco y Navarra ..." (9. IUK)
Baina fijatuz gero, euskal herritarren definizioan ez da Iparraldea sartzen
ezta ere apurtzen egitura autonomiko-adiministratiboa. "Vascos" hitza aipatu
bai baina beti ere egungo eraketa autonomikoaren esparrua errespetatuz.
Estatu mailako esplizitazio geopolitikoetan, sarri "Estatua" esamoldea
erabiltzen da, baina "esplizitazio emanetan" España ere erabiliz. Ikus ondoko
adibidean "esplizitazio emanak" nolako bilakaera duen kazetariaren hitzetan:
"Estos atletas a los que vamos a ver seguidamente,
participan en el II. Campeonato de España de Boccia para
disminuídos físico que se celebra desde hoy hasta el domingo..."
"A partir de hoy y hasta el domingo tomarán parte en la
competición los 50 participantes de todo el Estado que se han
clasificado para esta final..." ETB-(14. IUK)
Adberbio posesiboen erabilera eguraldiari buruzko IUKetan ugaltzen
bada ere, bestelakoetan, instituzio autonomiko edo lurraldetasunaz zerikusia
dituztenetan ere soma daitezke. Ikus adibidea:
"...según los responsable de tráfico, el alcohol ha sido la
principal causa de accidentes en nuestra comunidad" (107. IUK)
Eguraldiari buruzko informazioak tematiko zein medio aldetik garrantzi
handia du Euskal Telebistaren albistegietan. Atal tematiko honi azterketa
koantitatiborik dedikatu ez diogun arren baditu elementu koalitatibo batzuk
azpimarratzeko moduak.
Esplizitazio geopolitiko-administratiboekin zerikusia duten hainbat ideia
ageri dira eguraldiari buruzko IUKetan. Esate baterako, ikonikoki EH-7ko mapa
agertu arren, zazpi lurraldeei buruz ematen den informazioa oso desorekatua
da, EAEri buruzkoa da informazio zentrala eta Nafarroa zein Iparraldekoa
bigarren mailakoa, koantitatibo zein koalitatiboki.
Esplizitazioak bi moetatakoak dira:
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 146