Gizarte eta nazio errepresentazioa telebista-albistegietan - Euskara

"Vasco" trans-autonomista horren ildotik, futbolari buruzko IUK baten
Osasuna eta Athletic-en arteko partiduaz hitzegiten da:
"En el derby vasco entre Osasuna y Athletic se impusieron
con todo merecimiento los navarros" ETB-(84. IUK)
Instituzio zentral eta autonomikoaren harremanaz hitzegiten denean,
ETBk istilua edota desoreka azpimarratu barik, akordioa eta negoziazioaren
beharra azpimarratzen du, enfrentamenduaren politika baztertuz.
Kontsentsuaren aldeko jarrera hau, Telenorten gai berbera duen IUK-n,
gertatzen denaren kontra, nagusi da ETBn,
"El desarrollo autonómico, según Joseba Zubia, es un
proceso inacabado, que exige, ante todo, lealtad. El Consejero de
Presidencia ha explicado además su intención de que la
Comunidad Autónoma Vasca participe en la política del Estado..."(7.
IUK)
Hauteskundeetako mitinen berri ematerakoan, Nafarroan izandako
ekitaldien aipamena egiten da baina bakarrik alderdi abertzaleenak, alegia PP,
PSN, CDS edota UPN partidu politikoen berri eman gabe. Honen atzetik egon
daiteke igorlearen pertzepzio geokomunitario partikularra, hau da, informatzen
da Nafarroari buruz baina "honekin/EAErekin" zerikusia duten alderdiena
aipatuz bakarrik; zertarako aipatu UPNri buruzko informazioa, "hemengoek"
(EAEkoek) ez badute berari botoa emateko modurik.
5.2.1.2.-Notizigarritasun esparrua
ETBren Teleberri albistegian, Euskal Herrikoaz gain, Estatua zein
nazioarteko aipamenak egiten dira. Beste kanale bietan ez bezala, ETBk,
munduko zein Estatu espainiarreko notiziak emititzen ditu. Aipamen
metodologikoa egiterakoan zehaztu dugunez, Euskal Herriari buruzko berriak
bakarrik aztertuko ditugu, baina horrek ez du kentzen koalitatiboki ETBk
TVENA eta TVEBIrekin duen aldea azpimarratzea. Izan ere, TVEren
albistegietan, "honako" bakarrik "hemengo" berriak emititzen baitira,
kanpokoak Madrilgo albistegien bidez jakitera ematen direlako (Telenorte eta
Telenavarra emititu eta handik ordu erdira pantailaratzen da Estatu osorako
Telediario izeneko albistegi nagusia). Euskal Telebistaren kasuan aldiz,
Estatua zein nazioarteko berri ematen da, mundua "hemengo" ikuspegitik ere
"ikusi" daitekeelakoan.
Edozein kasutan ere, ikerketa honetarako Euskal Herrian kokatu edota
bertan eragina dituzten IUK-k bakarrik aztertuko ditugunez, horietan aurki
daitezkeen elementu koalitatiboetan zentratuko gara hemendik aurrera.
Estatuan zein nazioartean sorburua dituzten albistegiek Euskal Herrian
duten proiekzioa beti da elementu errekurrente bat ETBn. Esate baterako,
bloke tematiko gisa definitu ohi den laboralari buruzko IUKetan, Estatuan zein
Euskal Herrian lekututako grebek multzo bera osatzen dute. Lan-munduko
berri hauetan, "geure" artean gertaera desberdinek sortzen duten erreakzioa
pantailaratzen delarik:
"Estamos a en el tercer día de una semana de huelgas y
paros en numerosos sectores de la administración del Estado. La
huelga de Correos de Bizkaia (...) la que más incidencia esta
teniendo en la Comunidad Autónoma Vasca"
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 144