Gizarte eta nazio errepresentazioa telebista-albistegietan - Euskara

-IUK zenbakia
-Segmentu Ikoniko zenbakia
-Aktante zenbakia
Fitxero hauek landu ahal izateko SPSS/PC 4.0 delako erreminta
informatikoa erabili dugu.
4.1.4.3.-Emaitzen analisirako teknika
Lau fitxeroen barruan definitu diren itemek kategoria asko dituztenez,
ikaragarri hazi da datu kopurua. Informatikoki egin beharreko tratamendurako
ezezik, datuen azalpena egiteko ere, asko zaildu duelarik lana. Beraz,
beharrezko izan da hainbat kategorien birkodeketa egitea. Erlazionaturik
dauden kategorien pilaketa lanak, datuen aberasgarritasuna mugatu gabe
(fitxeroak bere osotasunean mantentzen direnez etorkizunari begira databaseak
bere oparotasunari heltzen dio) interpretagarritasuna errazten du.
Bildu den informazioaren emaitzak eskeintzerakoan, bi bide nagusi segitu
izan dira: deskribatzailea eta erlazionala.
Azalpen deskribatzailea egiterakoan frekuentzia taulen
mahaigaineratzean frekuentzia portzentualetan fijatu gara, frekuentzi
absolutoak baino informazio gehiago eskeintzen dutelako.
Azalpen erlazionalak eskuratzen zizkigun bi posibiliteak aprobetxatu
ditugu, gurutzaketa-taulen deskribapena egitea (portzentaiak, zutabekako
portzentaia eta lerrokako portzentaiak) eta aldagaien artean harremanik ote
dagoen neurtzea. Azken honetarako ji-karratua delako independentzia froga
aplikatu diogu. Ondoko grafikoa da emaitzen analisia posibilitatu duten
gurutzaketa-tauletako bat, adibide gisara hona ekarria.
(5. grafikoa: Aldagaien arteko gurutzaketa adibidea)
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 122