Gizarte eta nazio errepresentazioa telebista-albistegietan - Euskara

Informazio Unitateen Katea (IUK) eta dagokion Segmentu Ikoniko (SEGI)
baten barrutik.
4.1.3.2.2.-Iraupena
Segmentu Ikoniko bakoitzean, eskuartean dugun Aktanteak betetzen
duen denbora neurtuko dugu.
4.1.3.2.3.-Funtzio telebisiboaren tipologia
Albistegietan agertzen diren pertsonaiak, oro har, bi multzo orokorretan
pilatu daitezke: kamarari begira hitzegiten ateratzen direnak (mediatzaileak)
eta beste zerbaitetan ikusten ditugunak (ez mediatzaileak).
Lehenen artean, alegia, berba egiten ateratzen direnak, telebistako
profesionalak direnak (lokutore nagusia, erreportaria, korrespontsala...) eta,
honako beste hauek sailkatua ditugu:
-kontatzen dutenaren lekuko izan direnak,
-prestaketa teoriko-praktikoagatik berezilariak direnak,
-instituzio zein talde formaleko eledun gisa ari direnak,
-lekukoak barik, deskribatzen diren gertaeretan partaide direnak,
-iritzi-emale anonimoak, inkestetan ateratzen direlako,
-bestelakoak, alegia goiko aukerekin identifikatzen ez direnak.
4.1.3.2.4.-HItzezko azterketarekiko elementu paraleloak
Aktantearen identifikazio eta sailkatzea egiteko baliogarriak diren bi
elementu hauek (Aktantearen nortasun soziopolitiko eta geopolitikoa),
hitzezko informazioan aplikatu ditugun berberak direnez gero, ez ditugu
hemen azalduko. Bai, ordea, Aktantearen pertsonalizazio mailari dagokiona.
Izan ere, galdera honen bidez guk Aktante deitu izan duguna pertsona
bakarrak edota ugarik osatua den jakiten baita.
Kontuan hartu beharra dago ere, kategoria batzuetan aldaketak egitea
diskriminatzailea dela eta beste batzuetan ez. Esate baterako, Segmentu
Ikonikoan agertzen den pertsona gizonezkoa izatetik emakumezkoa izatera
pasatzen denean, Aktante desberdinaz ari garela kontabilizatu behar dugu,
bai eta hauetariko bakoitzetik bi pertsona edo gehiagotara pasatzen garenean
ere. Baina, Aktante berberaz arituko gara, bi pertsona lehenengo eta gero
nortasun soziopolitiko edo geopolitiko berdina duen laukote edo zortzikote bat
agertzen denean.
Aktantearen adinari buruzko galderan, berorren adin-tartea erabakitzen
da.
Kopresentzia maila deitu izan dugun kategoriaz, Aktantea pertsona solte
ala multiplea den jakin gura da. Aldi berean, presentzia anitza dagoela
frogatzen denean, alegia pertsona bat baino gehiagok osatzen badu Aktantea,
beraien arteko erlaziorik ba ote dagoen kontabilizatzen da.
Erlaziorik gabeko multipresentzia kasuetan, Aktante anitza agertu arren,
ez da interakziorik (elkarerrekintzarik) ematen eta, aldiz, erlazioa duten
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 117