Gizarte eta nazio errepresentazioa telebista-albistegietan - Euskara

4.1.2.7.-Informazio Unitatearen geopolitika
Galdetegiaren atal zabal honen bitartez, IUaren Ekintza non kokatzen
den eta berorrek sorturiko ondorioak non duten eragina zehaztu gura da.
Albistegietako ahozko informazioan azaltzen diren bi esparru horiek
definitzeko, ekintzena eta eraginena, antolatu da atal hau. Gainera,
interesgarria bada Ekintza eta ondorioak non kokatu diren, baliotsua da baita
ere bi kokapen horiek nola, nork eta zein esplizitazio moetaz (geopolitikoadministratiboa)
eginak izan diren jakitea.
Bi dira beraz, Ekintzaren kokapenaz azterturiko esparruak: non gertatu
den eta eragina non izango duen zehaztekoak, biei galdera berberak egingo
zaizkielarik.
Esplizitazio geopolitikoen presentzia ziurtatu eta gero (32 eta 42
galderak), zein elementu erabiliz egina izan den landuko da:
-toki ala jabetza adberbioak erabiliz (33 eta 43
zkia.)
-toki edo entitate izenak erabiliz (34 eta 44)
-zentzuz geokomunitarioa duten esamoldeak
erabiliz (ikus 35 eta 45 galderetan agertzen den
zerrenda luzea)
Esplizitazioa nola eta nork egina den ikertzen da gero:
-nork egin duen esplizitazioa (36-37-38-39 eta
46-47-48-49 zkia.)
-tokiizenak zein hizkuntzatan eman diren (40-50 zkia.)
Eta azkenik, IUan hitzez esandakoaz bat ala kontra, zein den benetan,
ekintza gertatu eta eragina izan dueneko tokia, alegia toki erreala (41 eta 51
zkia.)
4.1.2.8.-Esalearen inguruan aztertutako elementuak
Galdera honen bitartez, esalearen oinarrizko nortasuna zehaztu gura da,
izan ere Informazio Unitatea (IU) entzuna izateko esatari profesional ala ez
den baten presentzia beharrezkoa baita. Bi horiek dira, instantzia esalearen
inguruan antolatu ditugun bi multzoak: profesionalak (nagusia, lagungarria,
OFFean dagoena, lokutore espezialdua edo korrespontsala) ala profesionalak
ez direnena (lekukoa, bereizlaria, talde fromal edo instituzionalaren eleduna,
partehartzailea, esale anonimoa eta abarra).
4.1.3.-Informazio ikonikoaren azterketa
Eskuartean darabilgun metodologiaren arabera, albistegiak Informazio
Unitateen Kateez (IUK) osaturik ageri dira, eurak izanik informazio saioen
edukin ikoniko eta hitzezkoa batera definitzeko elementuak. Albistegietan
aurki daitezkeen Informazio Unitateen Kateen (IUK) azterketan, esan bezala,
bi osagarriak, hitzezkoa eta ikonikoa, bata zein bestea, IUK, bloke definitu eta
erabat zedarriztatuan ageri dira. Lehenaren azalpenean, hitzezko
informazioaz aritu garenean, definitua dugu Informazio Unitatea (IU) hitzezko
edukinaren unitate guztiz oinarrizkotzat. Oraingoan, edukin ikonikoan
zentratuko garenez, ikusten denaren unitate txikiena dugu taxutu beharrekoa.
____________________________________________________________
GIZARTE ETA NAZIO ERREPRESENTAZIOA TELEBISTA-ALBISTEGIETAN.
Euskal Herria Teleberri, Telenavarra eta Telenorte albistegietan. 109