Unibertsitateko ikasleen ariketa fisiko ohiturak, egoera ... - Euskara

Unibertsitateko ikasleen ariketa fisiko ohiturak
Batxilergoko ariketa fisiko ohituren datuak aztertzean, ikasle sedentarioen kopurua
unibertsitatean aurkitutakoa baino murritzagoa izan zen eta ia ikasleen erdia aktiboak
ziren, unibertsitateko ia herenaren parean. Gazte helduek, umeek baino ariketa fisiko
gutxiago egiten dute. Izan ere, hainbat ikerketek frogatu duten moduan, nagusiago
egiten garen heinean ariketa fisiko jarduera murriztuz doa bizitzan zehar (Robinson,
1938; Astrand PO eta lank., 1985, 1992a, 1992b, 1997; Astrand I eta lank., 1973;
Buskirk eta lank., 1987; Armstrong eta lank., 1998; Sallis, 2000; Van Mechelen eta
lank., 2000; Wilson TM eta lank., 2000; Lasheras eta lank., 2001; Hellín, 2003; Diez,
2004; García F eta lank., 2006; Serra Majem eta lank., 2006; MSC, 2007; Velásquez
eta lank., 2006; Sánchez F eta lank., 2007). Gainera, 18-25 urteko adin-tartean ariketa
fisikoa egiten duten gazteen proportzioa gutxitzen dela argitaratu da (Sánchez-Barrera
eta lank., 1995; García F, 2001) eta batez ere, Unibertsitatean hastearekin batera asko
dira ariketa fisikoa egiteari uzten diotenak hainbat ikerketek aipatzen duten moduan
(Blasco eta lank., 1996; Frojan eta lank., 1997; Hernández, 1999; Segura eta lank.,
1999; Ruiz F eta lank., 2001a, 2002a; López, 2003; Pavón eta lank., 2004; Castillo E
eta lank., 2007). Unibertsitatean ikasketak hasten direnean askotan ikasketa karga
handitu eta bizilekuaren aldaketa gertatzen da. Mundu akademikoaren egitura eta
kirolaren egituraketaren artean koordinazio falta nabarmena dela eta, kirola gazteen
bizitzatik kanpo geratzen da (Madera eta lank., 2003; Salguero eta lank., 2003a,
2003b).
Espainiako populazioaren 2005. urteko ariketa fisiko ohituren inkestan azaldutako
datuen arabera, ariketa fisikoa astean hirutan baino gehiagotan egiten zuten edo
aktiboak ziren 15-24 urte bitarteko gazteak % 55 ziren eta 2000. urtean aldiz % 67
(García F, 2001; García F eta lank., 2006). Gure ikerketaren arabera ikasle aktiboak
unibertsitatean % 29 eta batxilergoan aldiz, % 49 ziren. Batxilergoko zifra, populazio
orokorrarentzat aurkitutako zifraren ingurukoa izan zen baina unibertsitatekoa askoz
ere baxuagoa. Hala ere, adin taldeen arteko ezberdinatsuna kontuan izan behar da.
Bestetik, EnKid ikerketan argitaratutako datuen arabera, Espainiako 14-17 urte
bitarteko gazteen sedentarismo maila mutilen kasuan % 27.3 eta nesken kasuan
% 54.2 zen. Bestetik, mutil moderatuak % 21.6 eta neska moderatuak % 18.6 ziren.
Mutil aktiboak aldiz, % 51.1 eta neska aktiboak % 27.2 ziren (Serra Majem eta lank.,
2006). Gure ikerketan aztertutako unibertsitateko ikasleen batxilergoko ariketa
fisikoaren datuen arabera, sedentarismo maila EnKid ikerketako datuen aldean askoz
baxuagoa izan zen bai neska zein mutilen kasuan eta ikasle aktiboen portzentajeak
94
Emaitzak eta eztabaida