Unibertsitateko ikasleen ariketa fisiko ohiturak, egoera ... - Euskara

Unibertsitateko ikasleen ariketa fisiko ohiturak
% 20.3 aktiboak ziren (Serra Majem eta lank., 2006). Gure ikerketan aztertutako
unibertsitateko ikasleen ariketa fisikoaren datuen arabera, sedentarismo maila
baxuagoa izan zen bai neska zein mutilen kasuan. Ikasle moderatu eta aktiboen
portzentajeak aldiz, bai neska zein mutilen kasuan, altuagoak izan ziren EnKid
ikerketako datuen aldean. Azaldutako datuen arabera, gure ikerketa, maila kultural
altuagoa duten gazteek ariketa fisiko gehiago egiten dutela baieztatzen duten zenbait
ikerketekin bat dator (Sánchez-Barrera eta lank., 1995; García F, 2001; García F eta
lank., 2006; Hellín, 2003). Hala ere, datu positibo hauek ez lukete ahaztu erazi behar
gure unibertsitateko ikasleen sedentarismo maila Europa erdi eta iparraldeko herri
gehienena baino altuagoa dela.
Ikerketan parte hartu eta ariketa fisikoa egiten zuten ikasleen ariketa fisiko mota
aztertzerakoan, gehiengoak bakarka edo bere kabuz (% 76.1) egiten zuen.
Unibertsitate garaiko jarduera edo ariketa fisikoen izaera nagusiki indibiduala beste
egile batzuk ere argitaratu dute (Parera eta lank., 1998; Rice 1998; Hellín, 2003; Pavón
2006a). Datuak sexuka aztertzerakoan, neskek mutilen aldean, ariketa fisikoa bakarka
egiteko joera handiagoa zuten (p