Unibertsitateko ikasleen ariketa fisiko ohiturak, egoera ... - Euskara

Metodoak
3.3.5. Ikasketak
Ikasketei dagokienez, titulazio mota edo arloa (Gizarte arloa, Osasun arloa eta
Zientzia arloa) eta etekin akademikoa aztertu genituen. Etekin akademikoa aztertzeko,
ondoko aldagaiak kontuan hartu genituen:
- Unibertsitateko sarrera-nota: ikasleek unibertsitateko ikasketak hasteko
beharrezkoa zuten aurreko emaitza akademikoa (batxilergo eta selektibitatea egin
osteko batez besteko nota).
- Unibertsitateko ikasturteko etekin akademikoa: horretarako ikasleei ariketa
fisiko eta bizi-ohituren galdeketa egiten zitzaienean, aurreko ikasturtean lortutako
ikasgai bakoitzaren emaitza akademikoari buruz galdetu zitzaien. Ikasturteko batez
besteko etekin akademikoa lortzeko, gainditutako ikasgai bakoitza puntuazio taula
baten araberako balioarekin biderkatu (ohorezko matrikula 4, bikain 3, oso ongi 2 eta
nahiko 1) eta ondoren emaitza guztiak batu ziren. Lortutako emaitza, ikasturte horretan
matrikulatutako ikasgai kopuruaz zatitu zen. Bukaeran lortutako emaitzari zegokion
kalifikazioa ezartzeko, hurrengo irizpidea kontuan izan genuen: 2.5 bikain. Azken hau, datuen azterketarako kontuan izan genuen
ikasturteko etekin akademikoa izan zen.
Bestalde, ikasketek ariketa fisiko ohituretan eta egoera fisikoan zuten eragina
aztertzeko, batetik titulazio guztiek eragin berdina zuten edo ez eta bestetik kalifikazio
hobeak zituztenen artean ezberdintasunak zeuden edo ez aztertu genuen.
72 Material eta metodoak