Unibertsitateko ikasleen ariketa fisiko ohiturak, egoera ... - Euskara

Metodoak
- Altuera: Añó Sayol S.L. markako tallimetroaz ikasleen altuera cm-tan neurtzen
zen. Vertex (buruaren punturik altuena) eta euste-planoaren arteko distantzia
neurtu zitzaien. Ikasleak zutik eta geldirik jartzen ziren, oinak elkarren ondoan,
besoak gorputzarekiko paralelo eta ipurdia eta sorbalda eskalaren kontra. Buruaren
posizio garrantzitsua zen, aurrerantz begiratu behar zuten eta burua “Frankfurt-en
planoan” mantendu. Honetarako irudizko lerro bat imajinatu behar da: begi
orbitaren behealdeko ertzetik kanpoko entzunbidearen goialdera bai lurrarekiko
paralelo doana. Pertsonak inspirazio sakon bat egiten zuenean neurria hartzen
zen.
Bi parametro hauen bidez Gorputz Masaren Indizea (GMI) kalkulatu zen:
GMI =
Pisua (Kg)
[Altuera (m)] 2
Gorputz osaera kalkulatzeko (gantz-ehuna, hezur-ehuna, gihar-ehuna eta hondarehuna)
ondorengo parametroak neurtu ziren:
- Azal tolesturak: azalaren eta larruazalpeko gantzaren lodiera mm-tan neurtu
zen presio konstanteko lipokalibre baten bidez (Holtain). Neurketa guztiak
gorputzaren eskuineko aldean egin ziren. Puntu bakoitzean hiru neurketa egiten
ziren eta batez besteko neurria hartzen zen.
o Tolestura trizipitala: besoaren goialdean, akromion eta olekranoaren
arteko lerroaren erdiko puntuan, besoaren ardatz nagusiarekiko
paralelo.
o Eskapulapeko tolestura: eskapularen beheko angeluaren barnealdean.
Eskapularen beheko izkinarekin 45º-ko angelua osatuaz.
o Tolestura suprailiakoa: gangor iliakoaren 5-7 cm gorago, elkarzutik.
o Tolestura abdominala: orbain unbilikalaren 3-5 cm-ra. Sabelaren ardatz
nagusiarekiko paralelo.
o Izterreko tolestura: belauna eta aldaken arteko aurreko lerroaren erdian,
luzerako zentzuan. Pertsona eserita egongo da.
o Bernako tolestura: bernaren erdiko aldean, luzerako zentzuan.
Material eta metodoak 61