Unibertsitateko ikasleen ariketa fisiko ohiturak, egoera ... - Euskara

Lagina
Lagina era aleatorio batean aukeratu zen honako prozedura jarraituz:
1. Hasteko, ikasturte horretan matrikulatutako ikasleak titulazioka eta alfabetikoki
ordenatu ziren.
2. Laginaren aukeraketan, egon zitezkeen huts-egiteak kalkulatuz, gutxienez
laginaren % 5-ak parte hartuko zuela ziurtatzen zuen ikasle kopuru bat
aukeratu zen. Honi N deitu zitzaion.
3. Ondoren, hurrengo formula erabiliz, zenbaki bat lortu zen: saltoa.
y (saltoa) =
ikasleen kopuru osoa
N (lagina)
4. Hurrengo pausuan, 0 eta y arteko zorizko zenbaki bat lortu zen (x).
5. Azkeneko pausuan, lagina aukeratzeko hurrengo segida egin zen zorizko
zenbakia eta saltoa kontuan izanda: x, x + y, x + 2y, x + 3y eta abar
zerrendaren bukaera arte. Horrela lagina osatzen zuten ikasleak aukeratu ziren.
Ordezko ikasleak aukeratzeko, zerrendan, ordezkatu behar zen ikaslearen aurrean
zegoen ikaslea hartu zen.
Ikasleak aukeratzeko modu honen bidez, lagina sistematikoki zirkularra eta etapa
bakarrekoa izatea lortu zen, fidagarritasun maila handia lortuz.
Lehenengo ikasturtean matrikulatutako 2104 ikasleetatik zozketaz 130 aukeratu
genituen eta 111-k parte hartu zuten; hau da aukeratutako laginaren % 85.38-a.
Hauetatik 75 neskak ziren eta 36 mutilak. Euren batez besteko adina 18.68 urtekoa
zen.
Bigarren ikasturtean matrikulatutako 1975 ikasleetatik 198 ikasle aukeratu genituen
eta 142-k parte hartu zuten, hau da aukeratutako laginaren % 71.71-a. Hauetatik 98
neskak ziren eta 44 mutilak. Euren batez besteko adina 19.59 urtekoa zen.
Eta azkenik hirugarren ikasturtean matrikulatutako 1430 ikasleetatik 200 ikasle
aukeratu genituen eta 146-k parte hartu zuten, hau da aukeratutako laginaren % 73-a.
Hauetatik 115 neskak ziren eta 31 mutilak. Euren batez besteko adina 20.77 urtekoa
zen.
48 Material eta metodoak