Unibertsitateko ikasleen ariketa fisiko ohiturak, egoera ... - Euskara

Unibertsitateko ariketa fisikoaren eskaintza
Beste batzuk aldiz, Bizkaiko udal-kiroldegietako instalazioetan eta Unibertsitateak
Gorputz-Jardueren Bizkaiko Elkarteko hainbat gimnasiorekin adostutako hitzarmenen
bitartez, hauen instalazioetan egiten dira, hala nola: xakea, igeriketa eta aipatutako
gimnasio eta udal-kiroldegiek antolatutako kirol eskaintzan azaltzen diren ikastaro eta
ekintza ezberdinak.
1.7.2.2. Bizkaiko Campuseko beste kirol eskaintza batzuk:
Kirol txartela
Kirol-txartela, EHUko Unibertsitate-komunitateko kide guztiek eskura dezaketen
txartela da. Unibertsitateak Bilboko udal-kiroldegi eta Martiartu Erakundearekin
egindako hitzarmen baten arabera, ikasleak txartel honen bitartez, erakunde hauek
dituzten kirol instalazioak erabili ditzake.
Txartelak ikasturte osoko balioa du eta honen titularrak, hitzartutako kiroldegi
guztiek sustatutako kirol-ikastaro eta jarduera guztietan parte har dezake. Era berean,
unibertsitateko ikasleentzat erreserbatutako ordutegien barnean, ikasleak instalazioak
erreserbatu eta doako instalazioak nahierara erabili ditzake.
Erakunde hauetan egiten diren ekintzak, bazkideek ordaintzen duten prezioan
eskaintzen dira eta honela ikasleak, antolatutako ekintzetan ehuneko berrogeita
hamarreko deskontua lortzen du.
Kirol-ikastaroak
Ikasleek beren bizilekuetan edozein kirol-ikastaro egin dezaten diru-laguntzak
eskaintzen dira. Bizkaiko erakunde publikoetako udal-kiroldegietan egiten diren
ikastaroen kasuan, hiru hilabetetan jarduera egin dela frogatuz gero, kurtsoaren
prezioaren ehuneko hogeiko diru-laguntza eskaintzen da.
Erakunde pribatuek antolatzen dituzten kirol-ikastaroetarako aldiz, ehuneko
bosteko diru-laguntza eskaintzen da. Gainera, lehen aipatutako hitzarmenari esker
gimnasioak ehuneko hogeian murrizten du prezioa.
36
Sarrera