Unibertsitateko ikasleen ariketa fisiko ohiturak, egoera ... - Euskara

Emaitzen azterketa orokorra
Unibertsitateko ikasleek ariketa fisikoa ez egitearen arrazoi nagusiak, bai Espainian
unibertsitateko ikasleekin (Palou eta lank., 2000; Pérez D eta lank., 2005; Pavón, 2004;
Gómez, 2005; Castillo, 2006), bai populazio orokorrean (CIS, 2000; Ispizua, 2003;
García F eta lank., 2006) egindako beste ikerlanen emaitzekin bat datoz. Honela ikasle
gehienek, lehenengo denbora faltagatik eta ondoren borondate faltagatik ariketa fisikoa
egiten ez dutela adierazten dute.
Unibertsitateko ikasleen gehiengoak ariketa fisikoa bakarka egiten du, modalitate
ez federatuan eta hauetan neskak nagusi dira, bai unibertsitateko ikasleekin (Abadía,
1995; Paris, 1996; Reyes eta lank., 1999; Gutierrez eta lank., 1999; Pavón, 2001,
2004, 2006a; López, 2003; Castillo, 2006), bai populazio orokorrean helduekin
egindako ikerketek aurretik aurkitu duten moduan (Canellas eta lank., 1995; CIS, 1997,
1999, 2000; Hellín, 2003; García F, 2001; García F eta lank., 2006; MTAS, 2006;
Moreno JA eta lank., 2006b).
Hala ere, unibertsitateko ikasleen federazio lizentzien portzentajea Espainiako
gazteen populazio orokorrekoa baino altuagoa da eta honen arrazoia, EAE-n dagoen
kirol-erakunde edo kluben partaidetza kulturan egon daiteke (García F eta lank., 2006).
Bestetik, ikasle federatu gehienek ariketa fisikoa modu aktiboan egiten dute Espainiako
populazio orokorreko gazteek bezala (García F eta lank., 2006) eta hauen artean
ariketa fisikoa taldeka egiten duten mutilak nagusi dira (Sánchez F eta lank., 2007).
Gainera ikasle federatuek, federatu gabeek baino gaitasun aerobiko hobea dute.
Honela, modalitate federatuetan ikasle aktibo gehiago egoteak eta honek dituen
exijentziak (entrenamenduak, lehiaketetan parte hartzeak eta abar), egoera aerobiko
hobea edukitzera eraman dezakeela uste dugu.
Batxilergoko ariketa fisiko ohiturak aztertzean, ikasle sedentarioen portzentajea
baxuagoa eta aktiboena altuagoa zen. Bestetik, batxilergoan gehiago ziren ariketa
fisikoa taldeka egiten zuten ikasleak eta unibertsitatean aldiz, bakarkako joera handituz
joan zen. Sexuka nesken sedentarismoa unibertsitatean handitu eta mutilen kasuan
aldiz, sedentarioen proportzioa antzekoa izaten jarraitu zuen. Hala ere, batxilergoan
neska sedentarioen portzentajea mutilena baino altuagoa zen unibertsitatean bezala.
Datuak orokorrean aztertuta, unibertsitateko ikasleen batxilergoko sedentarismo
portzentajea, Espainiako populazio orokorreko gazteena baino baxuagoa zen (Serra
Majem eta lank., 2006). Ikerketan parte hartu duten ikasleen ariketa fisiko mota eta
modalitatea aztertzean lortutako datuek bai batxilergo zein unibertsitate mailan joera
224
Emaitzak eta eztabaida