Unibertsitateko ikasleen ariketa fisiko ohiturak, egoera ... - Euskara

Emaitzen azterketa orokorra
honetan, unibertsitateko nesken sedentarismoa mutilena baino altuago izanda, mutilen
gaitasun aerobikoa neskena baino kaskarragoa izatea aipagarria da. Modu honetan,
unibertsitateko nesken % 20 eta mutilen % 50 abdomeneko gantz-metaketarako
(Ortega FB eta lank., 2007) eta arazo kardiobaskularrerako (The Cooper Institute for
Aerobics Research, 2004) arrisku taldeen barnean egongo lirateke, beste ikerketa
batzuetan adostutako gaitasun aerobikoaren atalaseen arabera.
Unibertsitateko mutil gazteen gainpisu eta obesitate portzentajeak neskenak baino
altuagoak dira eta Espainiako beste ikerketa batzuk ere mutil gazteen azkenaldiko
joera hau argitaratu dute (Aranceta eta lank., 2001, 2004; Moreno LA eta lank., 2005a).
Hala ere, Espainiako populazio helduarekin egindako ikerketetan emakumeen gainpisu
eta obesitate portzentajeak altuagoak dira eta hauek batez ere hezkuntza maila
baxuagoa dutenen kasuan urteak igaro ahala handituz dihoazela argitaratu da
(Aranceta eta lank., 2001, 2003; Banegas eta lank., 2001; Gutiérrez-Fisac eta lank.,
2002, 2003). Honela, gure inguruko gazte eta helduen gainpisu eta obesitatearen
sexuen arteko diferentziek, gizartearen joeraren aldaketa adieraz dezaketela uste
dugu.
Unibertsitateko ikasleen sedentarismoa eta obesitatea, gure inguruneko
gizartearen sedentarismoa (Ispizua, 1993; Centro de Investigaciones Sociológicas,
1997; García F, 2001; Eusko Jaurlaritzako Osasun Saila, 2004; Serra Majem eta lank.,
2006) eta obesitatea baino baxuagoak dira (Aranceta eta lank., 2001; Serra Majem eta
lank., 2001, 2003a; Rodríguez Artalejo eta lank., 2002; Moreno B eta lank., 2006).
Horrela gure ikasleek, populazio orokorreko gazteek baino ariketa fisiko gehiago egiten
dute eta gainpisu eta obesitate portzentaje baxuagoak dituzte (Sánchez-Barrera eta
lank., 1995; García F, 1990, 2001, 2006; Ruiz F eta lank., 2001a; Hellín, 2003; Pavón
eta lank., 2006a, 2006c).
Baina datu positibo hauek ez lukete ahaztarazi behar gure unibertsitateko ikasleen
sedentarismoa eta gainpisua, Europa iparraldeko eta mendebaldeko herri gehienena
baino altuagoa dela (Lobstein eta lank., 2003; Haase, 2004). Modu berean, aztertutako
ikasleen batez besteko oxigeno-kontsumo maximoaren datuak, aurretik argitaratutako
datuen aldean (Astrand PO eta lank., 1985), murritzagoak dira. Orokorrean,
unibertsitateko ikasleen egoera EAE-ko eta Espainiako egoeraren aldean hobea
badirudi ere, Europako eta nazioarteko datuen aldean, ez dirudi hain ona.
Emaitzak eta eztabaida 223